LAMKTU 5:9 - Cho Bible Common Language 2016

⁹ Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

LAMKTU 5:9 Referans Kwoze

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

SAM 78:56

Cun ung phi ngami naw Bawimang Khanpughi cu hnu ng’tuk püi u ne, ani cu m’nüm ci gui. A ng’thumkhän phi kä läk ci gui,

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

LAMKTU 15:10

Cun ah kyasei nang mi naw a i ah kyasei Khanpughi nami ng’küknet püi hlü ang? Mi pupa gui naw phi bäi, mi mät naw phi bäi kämi phuih hlawt ah phuih cu a i ah kyasei ngah mi am nami phuih sak gui hlü ang?

LUKA 16:2

Mang naw ani cu khü netah, ‘Nang ah mawng akda ah kang yak ci, na bilawh nak gui cu apüh akheh ah pyang ne law püi ä, nang cu kei ah changvai ah kä na kya ba khai” cine pyen nak ci.

MATTHE 4:7

Bawipa Jesuh naw, “Na Bawipa Khanpughi cu kä na tüihtok vai, ci ne cacim ung om ci,” cine pyen nak ci.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

NG'THU K'THUUK~ 16:5

Chang shedam nak ci phung cu Bawipa naw thui nak ci, Ani naw m’kyuk nak ungka ka phyawn sak gui phung khai.

NG'THU K'THUUK~ 11:21

Ng’htei sei nami hmat vai cu, changshe gui cu m’kyuk nak om khai, düng ciah chang gui cu phyawng khai gui.

SAM 50:18

Nang cu na hmuh phung m’guk ei gui ah teih püi ah kya ne chang plet ah paw chang ah na kyak ci.

2 GHANGPUGHANG GUI 6:32

Cun kawn ah Elisha cu phak khai ah chang tüi ci. Cun sang ung Elisha cu ang vaihta gui awn a täng ah ngo ne im ah om ci. Ghangpughang ah chang tüih kä a gawk law pha ung Elisha naw angvaihta gui a pyen nak gui cu, “Chang ngawn ciah chang naw kei na ngawn khai ah chang tüi lawk ci nei! Tuhbäi, shin ung a gawk law ung, shoh khai ne, ani kyong ah kä nami luh en sak vai nei. Ghangpughang amät cu ani ah hnu ah gawk lawk khai nei.

KHEI NAK 14:22

Shin ah chang a u phi cun khaw ung lut khai ah kä ghing khai gui. Ngami naw pyü ne ng’shü ciah ka ghin om cu hmu pyi ci gui. Egypt la bungpuk ung cäi aih vai ka m’dang cu hmu pyi ci gui. Ngami naw kei ah m’lung sau nak cu leng ba ba ne na k’tek u na, kei ah ng’thu ami läk vai ah mak ci gui.

PHYAWN NAK 17:7

Cun ah hmun cu Massah la Meribah ah sui ci gui, a i ah kyasei ci ung Israel gui naw ng’thu m’da ne, Bawipa m’nüm u ne, Bawipa naw na om püi gui ci ang? Kä na om püi gui ci ang? Ami ci nak ah kyak ci.

PHYAWN NAK 17:2

Ngami naw Moses ah ma ah ng’thu m’da u ne, “Awk vai tui na pe gui ä” cik ci gui. Moses naw, “A i ah kyasei thu nami m’da ang? A i ah kyasei Bawipa nami m’nüm ang?” cik ci.

ROMAN 10:15

Thu ng’shäu khai a u naw kä a tüih ung, a u naw thu ng’shäu ne pyein khai ang! Cacim theing naw, “Thu Ni yon lawk ciah thukpüi gui ah law nak cu ng’khän häih häih ci nei”,

LAMKTU 5:6

Ak hmaw chang gui naw law neh Ananias ah agook cu, yih awn k’tawm ne tah ak pung ah hteh püi neh m’cim ci gui.

ATÜNNAK 20:13

Khanpughi naw kapa ah im ungka a khaw hei ah ana hteh sak yah ung, kei naw, “Nang naw kei ah khan ah na bekhüt nak na m’dang vai cu, kei cu na na phäi ah pyen ne chang gui am na m’thein tu vai nei” cine ka m’cäi ah kyak ci.