LAMKTU 5:5 - Cho Bible Common Language 2016

⁵ Cun ah ng’thu ang yak vai am Ananias cu, kiuh ne sih seih, acun hmuh ng’yah tuk ciah chang gui cu ang htei ah kyikyawk ci gui,

LAMKTU 5:5 Referans Kwoze

LAMKTU 2:43

Ang düihpüi gui naw cäi aih gui vai lah ngaih khit gui vai ak da m’dang u khähtah chang gui cu kyikyawk yawp ci gui.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

THU PHLAAN 11:5

Ngami cu plawsheh law gui ci a om ah a kyak ung, ami m’gawng ung mei lut law ne ami gaa gui cu m’khih yawp ci. Acun ah mäih ah ngami ci gui khai ah k’tha nak ci phung cu ngawn ghäm ghäm ci gui.

2 KORIN 13:2

Ak hinh vei nak ka law yah ung, katnak bik ci gui la chang a hei gui am,” cän kawn ah ka law ba ung kä ka ning m’düm gui khai nei”, cine, kam cäi gui ah mäih ah, tuhbäi phi a sho nak ah om netah khän ne ka ning m’cäi ba gui mä ci nei.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

1 KORIN 4:21

Nangmi naw a i ang nami ng’yak hlü! Kei cu ng’mui tawn kawt ne ka law vai ang! Kä cun ung m’hni nak la ng’awi gei nak awn ka law vai ang!

LAMKTU 13:11

Nang cu a tuk bäi Khanpughi naw ning m’di sei na mik m’dauh khai, khokum ak shou khohni kä na hmu tu ba khai,” cine tam ci. A cun vai am k’ce Elimas cu amik le naw shung ne mü sei, a kut ung k’pang ne khah tu püi khai cu shui yap ci.

LAMKTU 5:13

Chang gui naw ngami cu m’hlüng m’tai gui pang u ne phi a u phi ngahmi ung a yäi ah kä ng’läk tuk ci gui.

EZEKIEL 11:13

Kei ka cängbang sang ung, Pelatiah cu kyu ne sik ci. Kei cu m’dek ung ka hmai gawk khai ah kawp neta ka m’lau ci, “Uktu Bawipa aw, Israel ung k’pawih ba ci gui phung nang naw an ngawn khai ma?”

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 64:9

Ngami ami van kyihkyawk khai gui; Ngami naw Khanpughi ah bi lawh cu ngai neta, ani ah hnün thawh ah mawng cu pyen khai gui.

1 SHONTÄP NAK 15:13

Akhtük ung cun m’kawn nak ung nangmi kä nami om ci, mikmi naw khawihnah nak vai sü ah kä mi khawihnah ah phäh ah Bawipa mi Khanpughi naw ana m’kyuk gui ah kyak ci” cik ci.

1 SHONTÄP NAK 13:12

Cun kawn ah David naw Khanpughi kyih neta a pyen cu “A i hawcha ah tuhbäi kei naw Thukhän M’küm cu ka la ba khai aw?”

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

JOSHUA 22:20

M’didap vai ah khawh gui ah mawng ung Zerah ah hta Akhan naw thumkhän kä a ngaih cu nami shüm ba vai. Acun ah phäh ah Israel chang bum avan cu m’kuk nak gah ci. Akatnak ah phäh ah Akhan amät bäng sik ciah kä kyak ci nei” cik ci gui.

THULÄÄN NAK 21:21

Cun kawn ah mang gaw ung om ciah chang gui naw lung awn vawi ne ami ngawn vai. Acun ah nangmi naw akshe cu nami nawt heng vai. Israel ung om ciah chang nü naw acun ah a kyak cu ng’ya u neta, kyik khai gui.

THULÄÄN NAK 13:11

Cun ung Israel chang gui ami van naw a i, i ah kyak ciah hmat khai gui. Ngami cu kyik khai gui, A u naw phi cun ah mäih ah akshe cu a ngawi ah phi kä bi ba khai.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.