LAMKTU 5:42 - Cho Bible Common Language 2016

⁴² Ak hnüüp tä sei Taigüim gui lah chang gui ah im gui ung, Bawipa Jesuh cu Messiah ah a kyak ah mawng ng’thu ni cu pyän u ne, m’thei thang ba gäk gäk ci gui.

LAMKTU 5:42 Referans Kwoze

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

LAMKTU 20:20

Chang khli ah ng’lung ah phi bäi, nami im gui ah phi kyai, ka pyeinsak m’theithang ung, nangmi ah hmawk ah nik khai phung cu kä ka k’pawih na man ci.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

LAMKTU 8:35

Philip naw acun ah cangcim awn tün neh, Bawipa Jesuh ah mawng Thu k’Ni cu m’thein tuk ci.

LUKA 21:37

Bawipa Jesuh cu kho hnüüp yah ung pum im ah m’theithang gui ne, khomü lam ah Olive khomhtung ah kai ci ci.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LAMKTU 4:29

Aw Bawipa ngah mi ah pawng püi nak cu yuk chah pe gui ä. Na na chang shäm gui am, nang thu kami pyein nak hning vai tha gui na yuk pe gui ä.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

1 KORIN 2:2

Nangmi awn a täng ah ka om yah ung kei cu Bawi Zesuh Khrih ah mawng la kutlam tung ung a sih ah mawng ah kawn ah a i phi avan m’hnih ne nawng shüt vai ah ka k’bäi pyi ci nei.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

LAMKTU 8:5

Philip cu Samaria khaw pigaw ak däm pi ung hteit neh Messiah ah mawng cu pyein ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

LUKA 22:53

Kei cu nangmi awn a täng ah ak hnüüp tä sei pum im ah om lang ngä sei, a i ah kyasei kä nami na pha ang? Cun ung phi nangmi ah akhin cu kho hmüp khui ah kyak ci,” cine pyen na gui ci.

2 SAMUEL 6:22

Kei cu ng’lam ne Bawipa ka m’tam khah lä khai, kei ka mät cu ka gu law pi khai nei. Nang naw kei cu a kholä ah na na ngai khai, cun ung phi cun ah hnumi hta gui naw ak hlüngtai ah na ngai khai gui!” cik ci.

LAMKTU 13:32

Tuk bäi kei mi naw Thu Ni cu nang mi ah kami law püi ci, Khanpughi naw a bi lawh gui vai, mi pupa gui ah ma ah shai a taak cu Ami na hta ng’shon gui mikmi ah ma ah, Bawipa Jesuh tho ne a ghin nak ba awn ng’dang pyi ci. Salan ak hnih nak ung; “Nang cu ka Hta ah na kyak ci, tuk ngawi keicu na Pa ah ka kya pyi ci,” ci ne ami guk ah mäih ah kya pyi ci.

KALATIAN 1:16

Cun kawn ah changpakhui hei gui-am A Htapa ah mawng Thu Ni cu kam thein gui khai, kei-am A Htapa cu ana hmu sak ah kyak ci. Cun ah kyasei nam shüm thein tuk khai ah a u phi kä ka ng’shi man ci: