LAMKTU 5:40 - Cho Bible Common Language 2016

⁴⁰ Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

LAMKTU 5:40 Referans Kwoze

MATTHE 10:17

Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

2 KORIN 11:24

Jew chang gui naw kut thum-kip-lei-ko vei ci hma vei ami na thah nak ka aut ci.

LAMKTU 5:28

“A cun ah chang ah ng’ming awn kä na mi m’theithang en ba vai ah, keimi naw ak khengah kami ning maa nah gui pyi ci, Cun ung phi nangmi naw Jerusalem khaw avan ung na mi m’theithang gui pyi ci. Ani ah sih phi keimi ah om ah nami pyein law hlü pyi ci nei” ci ne kyak nah gui ci gui.

MAKUH 13:9

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

NG'THU K'THUUK~ 12:10

Changninaw a ui ai cu akni ah m’htei ci, changshe cu m’ghämce ci.

LUKA 20:10

Hnü ät ung ak chang tumat tüi ne, alo ah k’phlam cu shan sak ci. Cun ung phi lo bik ci gui naw, tu that u netah a i kä peit ah tüi ba ci gui.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

MIKHAH 2:6

Chang gui naw kei ah ma ah ng’thu ami pyen cu, “Keimi ah khan ah thu kä pyen ä, cun ah amawng gui kä pyen en ä. Khanpughi naw keimi cu kä na m’thüi gui khai nei.

AMOS 2:12

Cun ung phi nangmi naw Nazirit gui cu yu nami awk sak gui ci, prophet gui naw ka ng’thu kä ami pyen vai ah nami k’bäi gui ci.

ISAIAH 30:10

Ngami naw prophet gui adüm ah ami om vai ah pyen na gui ci gui. Ngami naw, “Düng ciah mawng cu keimi awn kä na na pyen nak gui vai, keimi naw kami ng’yak hlü lu nami na m’thein gui vai. Kami cheishoh nak ung kami k’ang ei khai nei.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.