LAMKTU 5:4 - Cho Bible Common Language 2016

⁴ Shin ah lai kä na yawih pha ung phi na mät ah ka ah kyak ci, shin ah lai na yawih kawn ah phi lai ah phu ngui cu na mät ah ka ah kyak ci, cun ah kya lang sei, a i vai cun ah na ngaih tüh ang? Nang cu chang nam hleei ciah kä kyak ci, Khanpughinam hleei ciah kyak ci nei” cine pyen nak ci.

LAMKTU 5:4 Referans Kwoze

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

1 SHONTÄP NAK 29:3

Kei naw cun gui ka pek tak awn ah phi, ka mät ah ka ghui la ngui gui phi ka pek ci, a i ah kyasei ci ung kei naw Khanpughi ah Taigüim ka m’hni ah phäh ah kyak ci.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

LAMKTU 5:9

Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

EZEKIEL 38:10

Shin cu uktu Bawipa naw Kok a pyen nak ah kyak ci: “Cun ah khin a gawk law ung akshe bi vai cu nang naw tün ne na ngaih-tüh khai.

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

SAM 139:4

Kei naw ng’thu kä ka pyen pha ung, kei naw a i ka pyen vai cu nang naw na hmat pyi ci.

SAM 7:14

Teng vä, a i hlawk ah changshe gui naw akshe ah m’lung ngai u ne; Khüikha nak pawng püi ne, chei khai ah ami bi gui cu!

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

1 SHONTÄP NAK 29:9

Chang gui naw pe hlü cang ne Bawipa am pek ci gui, cun ah akda ami pek ah phäh ah ngami cu anghtei ah yei ci gui. David ghangpughang phi anghtei ah yeikyai ci.

1 SHONTÄP NAK 29:5

kut awn aat ne pyang thei ci gui naw ami pyan gui van phi ka pek ci. Tuhbäi a u naw ng’ya hlü ne Bawipa am douthak khai ang? cik ci.

1 SAMUEL 8:7

taigü ci, Bawipa naw, “Chang gui naw ami ning pyen nak phung cu na ngaih vai. Nang cu ngami naw ami hnu ng’tuk püi ah chang ah kä na kyak ci, kei vah ngami naw ami hnu ng’tuk püi ah ghangpughang ah ka kyak ci.

PHYAWN NAK 35:29

Israel chang avan, Bawipa am douthak law hlük ci phung naw law püi ci gui. Cun gui cu Moses am a bi vai ah ang thumkhän nak ung mang vai ah kyak ci.

PHYAWN NAK 16:8

Moses naw, “Bawipa naw mühun ah nami ei vai ah meh, khaw ngawi ah nami ng’büh nak vai ah m’htut ning pe gui khai nei, a i ah kyasei ci ung a i hlawk ah ng’thu m’da ne nami hnungtuk püi cu ani naw ng’yak ci nei. Ng’thu m’da ne keimi nami na hnungtuk püi gui cu akcang ah Bawipa cu ng’thu m’da ne nami hnungtuk püi ah kyak ci nei” cik ci.

JAMES 1:15

Cun ah shekak ciah ng’yak hlü nak cu tüisho law ne cheishoh nak cun phi däm ng’vai law ne, sih nak ah hta lawk ci.

PHILIMON 1:14

Cun ung phi kei naw nang ning hnem ne, nak püi vai ah kä ka ng’ya hlük ci, na mät naw nam hni ah na bilawh vai ah ka yum ci. Cun ah kyasei nang naw kä na yum tu cu kei naw api phi kä ka bik khai.

1 KORIN 8:8

Ei cu Khanpughi lam ah ak tung ah kä kyak ci; ei kä ei ung phi dishum nak vai kä om ci, ei ei ung phi näng m’khüt nak vai kä om ci.

JOB 15:35

Cun ah chang gui cu chang m’thüi m’khang na ne, akshe bik ci gui ah kyak ci. Ngami ah m’lung cu angtäi sei m’thüi m’khang nak awn be ci.

KHEI NAK 16:11

Nangmi naw Aaron hnungtuk püi ne chiu nami m’da cu akcang ah Bawipa nami hnungtuk püi ciah kyak ci. Cun ah kyasei nang la na hnu läk ci gui cu nami küknet ciah kyak ci.”

THUSHÄUTU 5:5

Shai tak bi neta kä k’pan ah ta, shai kä tak ling cu bä tuba ci.