LAMKTU 5:39 - Cho Bible Common Language 2016

³⁹ Ngami ah ngaih-tüh bilawh gui cu, chang ah pawng püi ah a kyak ung maih ne ng’kawn khai nei, cung phi cun gui cu Khanpughi ah ngaih tüh bilawh gui ah a kyak ung, nangmi naw kä nami m’dimdap gui hlawt khai, nangmi cu Khanpughi nami hnung’tuk püi ciah kyak lawk khai nei” cine pyein ci gui.

LAMKTU 5:39 Referans Kwoze

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

1 KORIN 1:25

Khanpughi ah shuhghawi nak ah ngaih cu hnicim chang ah hmuhmat nak ah tah bä pi ci, Khanpughi ah k’tha m’yu nak ah ngaih cu, hnicim chang ah k’thamah nak katah bä pi ci.

LAMKTU 11:17

Khanpughi naw Bawipa Jesuh Khrit mi yum ci gui am m’gein nak ana peit gui ah mäih ah akhui hei gui am phi a peit gui cu dang ci nei. Cun ah kyasei kei cu a i ah kya ne phi Khanpughi cu kä ka maa na hlawt khai” cine pyein ci.

LAMKTU 9:5

Soul naw, “Bawipa Nang cu a u ang?” cine ng’shik ci.

LAMKTU 6:10

Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

LAMKTU 23:9

Ami ng’vookshan ah k’aw cu ng’shawng law pi k’täi khätah, Pharisee pati ungka thukhän saya gui cu ng’düi law u ne, “Shin ah chang ung hmakat nak i kä om ci, khankho chang naw baw, mümcha naw baw ng’thu m’sak ci ah kyak khai” ci ne ng’küükneet ne ng’cuh ci gui.

ISAIAH 43:13

Kei cu khanpughi nei, ang täih ah a cun ah ka kyak khai nei, kei ah ka huham ung ka, a u kä phyawng hlawt khai, kei ah ka bi cu a u naw kä m’thawng hlai hlawt khai.”

ISAIAH 45:9

M’dek k’am naw ani sheh cicu ng’kü neet püi hning khai aw, ani cun phi a hei k’am gui ah mäih ah kyak ci nei? k’amdek naw k’am sheh ciam, a i nei na bi cine, ng’shi thäh khai ang? K’am naw ani pyan ci am, kä na bi thei ci, cine Ng’thu m’da khai ang?

2 GHANGPUGHANG GUI 19:22

Nang naw a u cu nak shedam yawshe nak ciah na ngai ne ang? Nang naw, kei theingcim ciah Israel Khanpughi cu, kä na na chang m’sui ci nei.

1 GHANGPUGHANG GUI 12:24

“Namät ah phäi nau gui Israel chang gui cu kä na ng’tuk püi gui vai. Nami van im ah hteit ba vä. Kya lawk ci phung cu kei ah ka ng’yak hlü ah kyak ci nei.” Ngami ami van naw Bawipa ah thumkhän cu ngai u ne ami im ah hteit ba ci gui.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

1 KORIN 10:22

Mikmi naw Bawipa cu mi m’thüi m’ khang nak khai ang? Mikmi cu Bawipa ah mä mi khüighaat pi ciah mi ngai ne ang?

ATÜNNAK 24:50

Laban la Bethuela naw, “Shin cu Bawipa ungka lawk ciah kyak ci. Keimi naw kami pyen vai a i kä om ci.