LAMKTU 5:31 - Cho Bible Common Language 2016

³¹ Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

LAMKTU 5:31 Referans Kwoze

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

JUDE 1:25

Jesuh Khrit Bawipa awn na hun k’phyawn gui ciah tumat bäng nak ciah Khanpughi cu cau puyinpamthak ung tüi ne, tuhbäi akhin, ngawi yä hta ng’shon ung, bämang hlüngtai, kuikyang huham ne om sä! Amen.

2 PETER 1:11

Cun ah kyasei nangmi cu, Hunbawi Jesuh Khrit ah ng’täi ciah Uknak Kho ung luh nak vai ah ng’düng nak cu nami gah khai nei.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

2 PETER 1:1

Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

KOLOSE 1:14

Ani ung phiawn nak mi gah ci, cun cu mi cheishoh nak ana m’gein gui ah kyak ci.

PHILIPPIAN 3:20

Mikmi cu khan im gaw chang ah mi kya u ne, khankho ah kaa mi Hunbawi Jesuh Khrit a kyum law vai cu mi ngäng ci.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

2 KORIN 2:10

Nangmi naw chang tumat ah katnak cu nami m’gein ung, kei naw phi ani cu kam gein ci. Chang tumat cu kei naw kam gein vai a hlü law ung, nangmi ah hmawk teng ne Bawi Khrih ah ma ah kam gein ci nei.

LAMKTU 13:23

Khanpughi naw a shaitaak ah mäih ah Israel chang gui ah hmawk ah Hunbawi cu David ah hta ng’shon ung ng’tüi law sak ci. Cun cu Bawipa Jesuh ah kya ci.

LAMKTU 4:11

Jesuh Khrit cu: “Lung im nami cawh ung nami nawng shüt ah lung cu, ak kui kyang pi bäih ah lung ak tung ah kiah lawk ci” ciah ca ng’cim ah pyein cu Bawipa Jesuh, ah kya ci.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

MAKUH 4:12

A i ah kyak sei ci ung; “Ngami cu teng ne phi kä hmuk ci gui, Ngai ng’ya ne phi kä hmat ci gui, Ami teng cu hmu u ne, Ami ng’yak cu hmat u ne, ami kyak vai sü ung, Khanpughi lam ah ng’hlat lawk khai sü gui te, Cun ung ngami ah katnak phi m’gein gui khai sü te, Ci ah cacim ung om ci” cine m’thein gui ci.

MAKUH 2:10

“Chang ah Htapa naw khomdek khan ung katnak ak phiawn hning ah mawng cu ka ning hmuh sak gui khai” ci netah; a kut kho shuum ci-am,

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

EZEKIEL 37:25

Ngami cu kei naw ka changshäm Jakob am ka pek ah khaw ung om khai gui, cun cu ami pupa gui ah om nak ah khaw ah kyak ci. Ngami cu acu ah khong län ung om khai gui, ami hta nau gui la ami htangshon gui phi om khai gui. Ka changshäm David ghangpughang ah mäih ghangpughang naw ang’täi ah uk gui khai.

EZEKIEL 34:24

Kei, Bawipa cu ami na Khanpughi ah ka kyak khai, ka changshäm David ah mäih ah kyak ciah ghangpughang cu ngami ah uktu ah kyak khai kei naw ka pyen nei.

EZEKIEL 17:24

Shin ah khaw ung shing ghing avan naw kei cu Bawipa ah na hmat khai gui. Kei naw sing ghing ng’gho gui cu chu ne, aläm gui cu ka ng’ghaw ba sak khai. Kei naw ng’kying ciah sing gui cu ng’yai sak ne, Chawng ciah sing gui cu ka ng’kying ba sak khai. Kei, Bawipa naw ka pyen nei, kei naw ka bi vai ah ka pyen cu ka bik khai nei.”

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

ISAIAH 43:11

“Kei bäng nei Bawipa ah ka kiak, kei bäng naw nei, nangmi ka ning hun gui hning ci.

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

SAM 89:24

Kei naw ani cu ka m’hni khai, ani ung ka bekhüt khai; kei naw ani cu angtäi sei ka näng sak khai.

SAM 89:19

Caupui bekhüt ciah na chang gui am muimang ung nang naw na m’thein gui cu, “Ming thang ciah gakap cu kei naw m’theithang nak ka pek ci; ka chang gui ung ka, ka ghü tumat-am mangkiang cu ka pek ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

2 PETER 2:20

Chang gui cu mi Hunbawipa Jesuh Khrit ami hmuhhmat nak awn, dek khan shetkat nak ami phiawn nak awn ah, cun ah shetkat nak ah khleihtein ah ami kyak ba ah a kyak ung, ak htük ah mä ak hnu ami ghin nak cu, sheka pi bäih ci.

TITUS 2:13

Cun cu hlüngtai säih Khanpughi la mi Hunbawipa Jesuh Khrit ah bämang nak ang dang law nak vai ah, mi ngaih u ah yeikyai nak ah hnüüp mi ngäng nak ah kyak ci.

TITUS 2:10

kä ami m’guuk-en vai. Cun ah kä kya ne, ami nikiom nak la ami bekhüt nak ah mawng ami dang sak vai. Cun ung vah ngami cu ami bilawh nak phung ung, Hunbawipa Khanpughi ah mawng m’theithang nak cu dang law sak pi khai gui.

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

JOHAN 4:42

Ngami naw cun ah hnumi-am, “Keimi naw kami yum law cu nang ah nam thein gui ah hmawk ah kä kyak ci, kami mät naw ang thu cu ng’ya u ne kami yum ci. Khomdek khan ah Hunbawi akcang ah kyak ciah kami hmat ci” cik ci gui.