LAMKTU 5:30 - Cho Bible Common Language 2016

³⁰ Kami pughi guiah Khanpughi naw kutlamtung ung tai ne nami ngawn ah Bawipa Jesuh cu, thawh ba sak pyi ci.

LAMKTU 5:30 Referans Kwoze

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

LAMKTU 10:39

Jerusalem gawnu la Israel kho ung Bawipa naw abi lawh nak gui nüng ung keimi cu saksi ah kami kyak ci. Bawipa cu chang gui naw kutlam tung ung khen ne ngawm ci gui.

LAMKTU 22:14

Aninias naw, “Nang cu mi pupa gui ah Khanpughi naw a ng’yaak hlü na hmat vai, düng ciah ak changshäm na hmuh vai la acun ah Bawi ah thu k’aw na ng’yaak vai ah hmawk ah ning ghü pyi ci nei.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

LUKA 1:55

Ani naw Abraham am am dang ah am gein nak cu, hta ng’shon ung dang lä ci nei” cine ng’äi ci.

EZRA 7:27

Ezra naw, “Mi pupa gui ah Khanpughi Bawipa cu m’hlüngtai nei. Jerusalem ah Bawipa ah a Taigüim shicha ah ghangpughang naw am tamkhah hlü vai ah ani naw bik ci nei.

1 SHONTÄP NAK 29:18

Kami pupa gui Abraham, Isaak, Jakob ni ah Bawipa, Khanpughi, shin gui ah ng’ap nak ah mäih ah khüighat ciah yum nak cu na chang gui ah m’lung kyong ung k’pan sak gui ä, angtäi ah ami bekhüt nak vai phi k’pan sak gui ä,

1 SHONTÄP NAK 12:17

David naw hteit ne hmu gui neta a pyen cu, “Nangmi cu teihpüi ah kya ne kei na bawm khai ah nami lawk ciah a kyak ung, nangmi cu ning dou gui nei. Kei mi ung ng’dawn law vä! Cun ung phi ka ga am kei nami na ap khai ah nami lawk ciah a kyak läi ung, Kei naw nangmi nak khai ah kä ka ning bi gui ung phi, kami pupa gui ah Khanpughi naw ning hmat gui ne, ning m’kyut gui khai nei.”