LAMKTU 5:3 - Cho Bible Common Language 2016

³ Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

LAMKTU 5:3 Referans Kwoze

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

ISAIAH 29:15

Bi vai ami k’bäi Bawipa ah ma ah m’zih vai ah k’tha nak ci gui cu ng’ziin nak gah ci gui! Ngami naw ami k’bäi cu adüm ah bi neta, a u naw kä hmu gui khai abi cu a u naw bi u neta, a u naw kä hmu gui khai abi cu a u naw hmat gui khai ah ngai ci gui.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

LAMKTU 5:9

Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

JOHAN 13:27

Cun ah m’htut la ne a ei vai-am satan cu ani ah kyong ah lut pyi ci.

JOHAN 13:2

Bawipa Jesuh la ang Düihpüi gui cu mü-ei ei ci gui. Khoshe naw Simon Iskariot a hta Judas cu, gaa ah kut ung Bawipa Jesuh cu a ap vai ah am lung kyong ah am cäi pyi ah kyak ci.

JAMES 4:7

Cun ah kyasei Khanpughi ah ng’yak hlü cu läk ne khoshe cu nami k’täm vai nei, cun ung nangmi ungka dawng khai nei.

THUSHÄUTU 5:4

Cun ah kyasei, Khanpughi ah shai na tak ung, ang ghit ah nak pan vai. Chang gu-ang cu ani ah phäh ah mang vai kä kyak ci. Bi vai ah shai na tak cu na bi vai.

JOB 22:13

Cun ung phi nangmi naw nami ng’shik ci, “Khanpughi naw a i hmat ne nang? Ani cu ng’mei naw shung ci, a i hawkcha ah nam khoicha gui khai aw?” nami cik ci.

LAMKTU 5:4

Shin ah lai kä na yawih pha ung phi na mät ah ka ah kyak ci, shin ah lai na yawih kawn ah phi lai ah phu ngui cu na mät ah ka ah kyak ci, cun ah kya lang sei, a i vai cun ah na ngaih tüh ang? Nang cu chang nam hleei ciah kä kyak ci, Khanpughinam hleei ciah kyak ci nei” cine pyen nak ci.

LAMKTU 5:2

Cun-ung phi Ananias cu ak chu ng’ge püi netah alai a yawih cu ateih k’pai neh amshah cu amät ah ka vai gim ne; amshah cu ang düihpüi gui am ap gui ci.

LUKA 22:3

Cun kawn ah Satan cu Judas Iskariot ah m’lung kyong ah lut ci.

THULÄÄN NAK 23:21

“Bawipa nami Khanpughi awn shaitak nami bi ung, nami shaitak nami bi vai cu kä nami nawng en vai; Bawipa naw nami shaitak awn ning k’pang gui khai, cun kä pan ung katnak ah kyak ci.

KHEI NAK 30:2

Chang tumat naw Bawipa am petak khai ah ang khäntam ah a kyak ung käcung a mawngma tumat mat ung hlawi hlek vai ah ang gunghta ah a kyak ung, ani naw a shaitak cu kä am’shet en vai, cun ung phi ani naw a bi vai ah a pyen päng cu abi vai.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.

NG'THU K'THUUK~ 20:25

Khanpughi am na douthak vai ah shai kä na taak pha ung, geing na ne na ngaih-tüh vai. Akawn ah na ng’yu ba khai nei.