LAMKTU 5:26 - Cho Bible Common Language 2016

²⁶ Cun kawn ah m’kawt ngäng ciah ang vai naw ak chang gui khah püi gui ne, ang düngpüi gui cu va kgü ba gui ci. Cun ung phi chang gui naw lung awn ami vawih gui vai ah ng’ä u netah ang düihpüi gui cu kä tuthat gui ci gui.

LAMKTU 5:26 Referans Kwoze

LAMKTU 5:13

Chang gui naw ngami cu m’hlüng m’tai gui pang u ne phi a u phi ngahmi ung a yäi ah kä ng’läk tuk ci gui.

LAMKTU 4:21

Kawngsi ng’vai gui naw, ngah ni cu khen neh k’taap ba goi ne tah tüi ba gawi ci gui. Acun ah a mawng gui hmuh tuk ciah chang gui naw Khanpughi m’hlüng m’tai yawp u khä tah ang düihpüi gui cu a i ah phi käm kat gui hlawt ci gui.

LAMKTU 5:24

Cun ami cicu Taigü khem lah m’kawt ngäng ciah ang vaipi naw ng’yak ni netah, “Shin ah mawng cu a i hawkcha ang cineh ngai khit ci gui.

LUKA 22:2

Taigü ng’vai gui la thukhän saya gui cu, chang gui kyih u netah, Bawipa Jesuh ngawn nak vai ah lam cu adüm ah shui ci gui.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

LUKA 20:6

Chang ah bi sak mi ci ung, Johan cu profet ah kyak ci ciah yum ci gui naw, lung awn na vawi gui khai gui” cine kya u netah,

MATTHE 26:5

Cun ah chang gui naw, ‘Chang gui thüngphyong püipawng vai u sei, pawi ah kyong ung kä pha vai’ cine kyak ci gui.

MATTHE 21:26

Chang ah peit ah m’khüt näng nak awn pek ci mi ciah a kyak ung chang gui naw Zohan cu profet tumat ah yum ci gui kya ne, cun ah chang gui cu kyih gui vai kyak ci,” cine ami mät ng’cecäk ci gui.

MATTHE 14:5

Herod naw Johan cu ngawn hlü te ci, cun nung phi Jew chang gui naw Johan cu profet ah k’bäi u khätah, ngah mi cu kyih gui ne kä ngawn ci.

MATTHE 26:58

Peter cu ng’shawng pi pi ne Kaiaphas ah im vong pei ah khüt ne, Bawipa Jesuh cu läk lawk ci. Cun kawn ah vong kyong ah lut law tu ne, Bawipa Jesuh ah mawng a i ah ami pyein ah a hmat vai ah phäh ah taigütung ah gakap gui awn, a täng ah ngo tuk ci.

LUKA 22:4

Judas cu Taigü ng’vai gui la Pum im ngäng ciah bawi gui ah hteit sei, a i cha ah ami kut ung Bawipa Jesuh a ap gui vai ah mawng cu ng’ge nak ci gui.

LAMKTU 5:22

Cun ung phi thawng ah ang düihpüi gui cu kä hmuh u ne, kawngsi gui ah om nak ah law ba u netah

LAMKTU 5:25

Cun yak ung chang tumat gawk law netah,” Thawng ung nami chum gui ah chang gui cu Taigüim kyawng ah om ne, chang gui m’thei thang gui ci gui nei” cine m’thein law gui ci.