LAMKTU 5:24 - Cho Bible Common Language 2016

²⁴ Cun ami cicu Taigü khem lah m’kawt ngäng ciah ang vaipi naw ng’yak ni netah, “Shin ah mawng cu a i hawkcha ang cineh ngai khit ci gui.

LAMKTU 5:24 Referans Kwoze

LAMKTU 5:26

Cun kawn ah m’kawt ngäng ciah ang vai naw ak chang gui khah püi gui ne, ang düngpüi gui cu va kgü ba gui ci. Cun ung phi chang gui naw lung awn ami vawih gui vai ah ng’ä u netah ang düihpüi gui cu kä tuthat gui ci gui.

LAMKTU 4:1

Peter lah Johan naw chang gui am ng’thu ami m’thein gui yah ung taigü gui, pum im ngäng ciah ng’vai lah Sudducees gui cu gawk law ci gui.

LAMKTU 4:21

Kawngsi ng’vai gui naw, ngah ni cu khen neh k’taap ba goi ne tah tüi ba gawi ci gui. Acun ah a mawng gui hmuh tuk ciah chang gui naw Khanpughi m’hlüng m’tai yawp u khä tah ang düihpüi gui cu a i ah phi käm kat gui hlawt ci gui.

LAMKTU 2:12

Ngah mi cu ang’htei ah cäicat u ne tah, “Shin ah mawng cu a i hawk cha leng leng ang? cine ami mät ng’ce cäk ci gui.

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.

LUKA 22:52

Cun kawn ah Bawipa Jesuh naw, ani phak khai ah lawk ci gui ah, taigü ng’vai gui ni, pum im ngäng ciah ng’vai gui ni, Jew chang ng’vai gui ni ah ma ah, “Nangmi naw, kei cu m’guk-ei pha ah mäih ah nami na phak khai ah, chim ni, htungtawn ni awn nami lawk ci ma?

LUKA 22:4

Judas cu Taigü ng’vai gui la Pum im ngäng ciah bawi gui ah hteit sei, a i cha ah ami kut ung Bawipa Jesuh a ap gui vai ah mawng cu ng’ge nak ci gui.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

LAMKTU 5:23

Keimi kami gawk ung thawng m’kawt cu ak ni ah ng’khai ci, m’kawt ngäng ci gui phi m’kawt pei ah ng’düi u sei kami hmuh gui ci; cun ung phi chawh hmawng ne kami valuh ung ak kyawng ah u phi kä kami hmuk ci,” cine pyein ci gui.

LAMKTU 5:25

Cun yak ung chang tumat gawk law netah,” Thawng ung nami chum gui ah chang gui cu Taigüim kyawng ah om ne, chang gui m’thei thang gui ci gui nei” cine m’thein law gui ci.