LAMKTU 5:20 - Cho Bible Common Language 2016

²⁰ “Nangmi cu Taigüimah hteit u netah chang gui am ghin nak akthai ah mawng m’Thein gui vä” cik ci.

LAMKTU 5:20 Referans Kwoze

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

MATTHE 21:23

Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

LAMKTU 11:14

Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

JOHAN 12:50

Cun ah huham ng’thu naw angtäi ghin nak pek ciah ka hmat ci. Ka pyein gui ah ng’thu phung cu Kapa ah nam cäi gui bäng bäng ah kyak ci” cine pyein ci.

JEREMIAH 36:10

Chang gui ami van naw ami ngaih sang ung, Baruk naw ca k’chaw ung om ci nü kei naw ka pyen nak phung cu phat ci. Ani naw cun cu Taigüim kyong, Shaphan ah hta Kemariah, yung secretary ah a khan ung abi ah kyak ci. Ani ah khan cu ak khan khan kyong Taigüim, m’kawt thai luh nak ah pei ung om ci.

JEREMIAH 26:2

Bawipa naw na pyen nak ci, “Taigü Im k’caw ung, ng’tüi neta, khawihnah khai gui ah Judah gaw nu gui ungka lawk ciah chang gui ah ma ah chang gui am na m’thein vai ah kei naw ka ning thumkhän avan cu na ng’shäu vai nei. Api phi kä na k’pawih nak vai nei.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

PHYAWN NAK 24:3

Moses naw hteit ne Bawipa thumkhän la thuküi cu chang gui am m’thein gui ci. Chang gui avan naw a täng ah, “Bawipa ah pyen phung cu kami bik khai nei” cik ci gui.

EZEKIEL 33:7

“Tuhbäi hnicim chang, kei naw nang cu Israel pakhui ah gawkngäng ah ka ning pyang ci nei. Kei naw ka ning pek ah thukbäi gui cu nang naw na pek tuba gui vai.

MATTHE 10:27

Hmüp khui ung ka ning m’thein gui ah ng’thu cu khodei ung nami pyein ba vai. Adüm ah nami ng’yak ah ng’thu cu m’kiung khan ah kai ne nami shäü vai.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.