LAMKTU 5:2 - Cho Bible Common Language 2016

² Cun-ung phi Ananias cu ak chu ng’ge püi netah alai a yawih cu ateih k’pai neh amshah cu amät ah ka vai gim ne; amshah cu ang düihpüi gui am ap gui ci.

LAMKTU 5:2 Referans Kwoze

LAMKTU 4:37

Ani naw amät ah lai cu yawi ne tah ngui law püi neh ang düihpüi gui am ap gui ci.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

JOHAN 12:6

Ani naw acun ah a pyein cu, pyamthaam ci gui am gein gui su ah kä kyak ci, m’gu man te ci kya netah acun ah a pyein ah kyak ci. Ani cu ngui ng’ip k’bah ci kya ne ngui m’gu ne mang ci ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

LAMKTU 2:44

Zum ciah chang gui cu kawng ät neh om u neh ami khawh cham gui phi ng’tei ng’pai neh ei mang ci gui.

LAMKTU 5:1

Ananias ming nak ciah chang tumat la ak chu Saphira cu ani khomdek yawi ci gawi.

LAMKTU 5:8

Peter naw, “na ni lai ngui i chü ah ang na ni yawih? nam thein ä? cineh ng’shik ci. Cun ah hnumi naw “Akcang ah, acun chü ah nei ka ni yawih” cik ci.