LAMKTU 5:19 - Cho Bible Common Language 2016

¹⁹ Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

LAMKTU 5:19 Referans Kwoze

LAMKTU 16:26

Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 8:26

Khanpughi ah khankho chang naw Philip am, “Ng’düi law neh Jerusalem ung ka naw Kaza ah hteh nak lam, htum lam ah hteit ä” cine pyen nak ci. (Cun ah lam ung tuhbäi a u kä hteit ba ci.)

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

LUKA 1:11

M’khih ne vawihpeh nak mangkiang k’patlam ung Bawipa ah khankho chang dang law sei;

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

MATTHE 1:24

Cun ah kyasei Josef cu a ih nak ung kaa, a thawh law ba kawn ah Khanpughi ah khankho chang ah a pyein ah mäih ah Mari cu akchu ah khäm ci.

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

MATTHE 2:19

Herod asih kawn ah Khanpughi ah khankho chang naw, Ejip kho ah Josef ah ih mang ung,

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

LUKA 2:9

Cun sang ung Khanpughi ah khankho chang dang law ne, Khanpughi ah bämang nak cu khang law sei htoshäm gui cu ang htei ah kyik ci gui.

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.