LAMKTU 5:17 - Cho Bible Common Language 2016

¹⁷ Cun kawn ah Taigü tung la, apaw gui ah kyak ciah pigaw gui ah ka Sadducee gui cu ang Düihpüi gui ah khan ah ang htei ah käng yah hlü ne m’thüi u netah, ci gui vai ah k’bäi ci gui.

LAMKTU 5:17 Referans Kwoze

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

LAMKTU 17:5

Cun ung phi Judah chang gui cu m’thüi u netah, lam yung ah chang ngetngawng gui khü gui u ne, chang khli ah kyak khai ah ng’bum sak gui netah, pigaw avan ung thüngphyong sak gui ci gui. Cun ah chang gui cu Jason ah im ah lut u ne, Paul la Silas cu chang khli ah ma ah kaih ne m’düih goi vai ah shui goi ci gui.

LAMKTU 7:9

Jakob ah hta gui naw ami nau Josef cu m’thüi nah u neh tah Egypt khaw ah khlei-htein nak kyak khai ah yawi ci gui.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

JOHAN 12:10

Taigüpa gui naw Lasaruh ngawn vai ah pawngpüi ci gui.

MATTHE 27:18

Jew chang ng’vai gui naw ami thüi nak su ah, Bawipa Jesuh cu a kut ung ami ap ah ani naw hmat ci.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

NG'THU K'THUUK~ 27:4

M’lungshe nak cu nget ngawng nak la dishum nak ah kyak ci, Cun ung phi m’thüikhang nak cu cun ah ta sheka pi ci.

NG'THU K'THUUK~ 14:30

Dimdeeih ciah m’lung ngaih naw pumsa gaigawng sak ci, m’thüikhang nak cu kenser gaw natnak ah kyak ci.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

JAMES 4:5

“Khanpughi naw mikmi ah kyong ah a thunthan ah mümcha cu, kyihkyawk vai ah ng’yak nak hlü awn be ci nei,” ciah cacim ung om cicu kä bä khai ah kä nami ngaih en vai nei.

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

LAMKTU 15:5

Cun ung phi Pharisee pati ungka Bawipa Jesuh yum law tuk ciah chang amshah gui cu ng’düi law u ne, “Chang pakhui hei gui cu vun aat nak bi tuk khai gui, Moses ah thukhän phi läk tuk khai gui” cine kyak ci gui.

LAMKTU 4:26

Khomdek khan ghangpughang gui naw, Khanpughi cu ng’tuk püi vai ah pawng püi pyi ci gui, Bawipa lah Messiah cu hnu ng’tuk püi vai ah ng’bum pyi ci gui” ciah kyak ci.

LAMKTU 4:6

Ngah mi cu taigütung Annas lah akyawng ung ka gui ah kyak ciah, Khaiaphar, Johan, Alexander lah ami paw gui awn ng’ge ci gui.

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

LAMKTU 5:16

Cun bäng ah kä kyak ciah Jerusalem ah pei pigaw yung ah ka gawpai ci gui, Khaw ‘she ah kai gui cu ami van gai ba yawp ci gui.