LAMKTU 4:30 - Cho Bible Common Language 2016

³⁰ Gawi ci naw a gai nak vai, na kut yu k’phiat lawä; Na shäm ah Bawipa Jesuh ah ming theing awn cäi aih vai gui lah ngaih khit vai gui gui cu, yuk m’dang lawä” ci neh Khanpughi ah taigü ci gui.

LAMKTU 4:30 Referans Kwoze

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

LAMKTU 3:6

Cun kawn ah Peter naw, “Kei ung ghui ngui kä om ci, cun ung phi kei ung om cicu ka ning pek khai: Nazaret Bawipa Jesuh Khrit ah ming awn, tho ne na hteh vai, kei naw ka ning khän ci nei,” ci neh kiak nak ci.

JEREMIAH 15:15

Cun kawn ah kei naw, “BAWIPA, nang naw nah mat ci. Na shüm ba ne na m’htei htang ä. Na k’dudei nak ci gui ah khan ah phu na tuk sak ä. Ngami naw kei na näng ne ami na ngawn güt nang naw kä hnim gei en ä. Kei ami na shedam nak cu nang ah hmawk ah kyak ci, cicu shüm ba ä.

LAMKTU 6:8

Stephen cu Khanpughi ah bäkhäk nak la hlüngtai nak cu akbe ah gah ciah kiah ne, cäicat gui vai lah ngaih khit gui vai cu akda m’dang ci.

LAMKTU 5:12

Ang düihpüi gui naw chang gui ah ma ah cäi aih gui vai la ngaih khit gui vai akda m’dang ci gui. Zum ciah chang gui ami van cu Solomon ah k’caw ah ng’bum ci gui.

LAMKTU 3:16

Cun ah Bawipa ah hlüng tai ciah ang ming naw shin ah shum ciah chang cu gai sak pyi ci. Tuk bäi nami hmuh lah nami hmat cu cun ah Bawipa ah ng’ming ung yum nak awn bi ah kyak ci; nami van naw nami hmuh ah mäih ah, Bawipa Jesuh ung yum nak bäng naw shin ah chang cu gai sak ciah kyak ci.

LAMKTU 2:43

Ang düihpüi gui naw cäi aih gui vai lah ngaih khit gui vai ak da m’dang u khähtah chang gui cu kyikyawk yawp ci gui.

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.