LAMKTU 4:24 - Cho Bible Common Language 2016

²⁴ Cun ah ng’thu cu ng’yah u ne tah yum ciah chang gui cu bum u neh, “Khankho lah khomdek, tuinu lah ak ghing om avan tüi pyang ne uk ciah Khanpughi,

LAMKTU 4:24 Referans Kwoze

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

JEREMIAH 20:13

Bawipa ah ng’äi m’cu vä! Bawipa cu m’hlüm tai vä! Ani naw chang ah shedam nak gui cu, changshe gui ah huham ung ka gung gui ci nei.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

2 GHANGPUGHANG GUI 19:19

Tuhbäi, Bawipa mi khanpughi naw, Assirian gui ah kut ungka na gung gui ci nei. Cun ah kyasei khaw ah ka ung chang pakhui avan naw O Bawipa, nang bäng Khanpughi ah na kyak ciah hmat ci nei.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

LAMKTU 4:23

Peter lah Johan cu ami tüih ba goi kawn ah ani paw gui ah hteit ba ni ne tah taigü ng’vai gui lah agham gui ah pyein ah ng’thu cu m’thein tu ba gui ci gawi.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.