LAMKTU 4:21 - Cho Bible Common Language 2016

²¹ Kawngsi ng’vai gui naw, ngah ni cu khen neh k’taap ba goi ne tah tüi ba gawi ci gui. Acun ah a mawng gui hmuh tuk ciah chang gui naw Khanpughi m’hlüng m’tai yawp u khä tah ang düihpüi gui cu a i ah phi käm kat gui hlawt ci gui.

LAMKTU 4:21 Referans Kwoze

LAMKTU 5:26

Cun kawn ah m’kawt ngäng ciah ang vai naw ak chang gui khah püi gui ne, ang düngpüi gui cu va kgü ba gui ci. Cun ung phi chang gui naw lung awn ami vawih gui vai ah ng’ä u netah ang düihpüi gui cu kä tuthat gui ci gui.

LUKA 22:2

Taigü ng’vai gui la thukhän saya gui cu, chang gui kyih u netah, Bawipa Jesuh ngawn nak vai ah lam cu adüm ah shui ci gui.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

LUKA 20:6

Chang ah bi sak mi ci ung, Johan cu profet ah kyak ci ciah yum ci gui naw, lung awn na vawi gui khai gui” cine kya u netah,

MATTHE 21:46

Cun ah kyasei ngami naw Bawipa Jesuh cu phaa vai ah k’tha nak ci gui. Cun ung phi ngami naw, “Bawipa Jesuh cu profet nei,’ cine yum ciah chang gui cu kyih gui ci gui.

MATTHE 9:8

Acun ah mawng hmuh teng tuk ciah chang gui cu cäicat u netah, chang gui-am shin ah mäih ah huham pek ciah Khanpughi cu m’hlüngtai ci gui.

LAMKTU 5:40

Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

LAMKTU 4:17

Cun ung phi shin ah a mawng cu chang khli naw kä a hmat ten tu vai ah cän kawn ah shin ah chang gawi naw Jesuh ah ming awn a i kä a ni pyein nen ba vai ah khen neh mi ma nah gawi khai nei” ci neh ng’ge ci gui.

LUKA 13:17

Cun ci khätah, Bawipa Jesuh ah a gaa gui cu ng’aa ci gui. Chang gui akda cu Bawipa Jesuh naw cäi aih vai abi gui ah hmawk ah yeikyai ci gui.

LUKA 5:26

Cun hmuk ciah chang gui ami van cäicat kyikyawk u netah, “tuhngawi mi hmu teng cu ang htei ah küikyang aih ci nei” ci ne kyak ci gui.

MATTHE 26:5

Cun ah chang gui naw, ‘Chang gui thüngphyong püipawng vai u sei, pawi ah kyong ung kä pha vai’ cine kyak ci gui.

MATTHE 15:31

Ak ang gui thu thei ci gui, apumsa kä küm ci gui küm ba ci gui, akho khem gui hteit thei ci gui, amik m’dauh gui m’dei lawk ci gui, acun gui cu chang gui naw hmu u netah, ang htei ah cäicat u neh Israel gui ah Khanpughi cu m’hlüngtai ci gui.

MATTHE 9:33

Bawipa Jesuh naw khoshe ak täm vai-am cun ah ak ang cu ng’thu law thei sei, cun hmuk ciah chang gui cu cäicat u netah, “Shin ah mäih ah a mawng ama cu Israel kho ung kä hmuh man nei,” ci ne pyein ci gui.

LAMKTU 4:22

Shum te ci, cäicat vai ah gai ciah chang cu a khaw kum phli-kip ah däm ci.

LAMKTU 5:13

Chang gui naw ngami cu m’hlüng m’tai gui pang u ne phi a u phi ngahmi ung a yäi ah kä ng’läk tuk ci gui.