LAMKTU 4:13 - Cho Bible Common Language 2016

¹³ Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

LAMKTU 4:13 Referans Kwoze

1 KORIN 1:27

Cun ung phi Khanpughi nawhmuhmat ciah chang gui ah ng’aa nak vai ah chang k’shekha gui cu ghü gui ci; Thamah ciah chang gui ah lü nak vai ah ak tha m’yu gui cu ghü gui ci.

JOHAN 7:15

Jew chang ng’vai gui cu ang htei ah cäicat u netah, “A hawi ah phi kä ng’theithang man ci naw, a i hawk chaa ah shin gui a hmat ang” cik ci gui.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

MATTHE 26:73

Cun kawn ah shängshäng hta khätah a pei ung ah düi ciah chang gui cu Peter ah pei ah law u netah, “Nang cu akcang ah ani ah paw ah na kyak ci, nang thu chi awn hmat phyak ci nei,” cine kyak nak ci gui.

JOHAN 7:49

Shin ah chang gui cu ng’thukhän kä hmat ci gui ah kya ne, Khanpughi ah taam nak gah pyi ci gui nei” cik ci gui.

LUKA 22:8

Bawipa Jesuh naw, Peter la Johan-am, “Nangmi hteit ne mi ei vai paskha mü ei ana pyang niä” cine tüi goi ci.

MATTHE 26:71

Ahei ami changshäm hnumi hta naw mä hmu netah, cun ung om ciah chang gui ah ma ah shin ah chang cu Nazaret chang Jesuh ah paw nei,” cik ci.

JOHAN 19:26

Bawipa Jesuh naw anu la a nau ah pei ah am hni ah ang düihpüi tumat cu ng’düi sei hmuk ci. Cun ah kyasei, Bawipa Jesuh naw anu-am, “nu awi, shin cu nang ah hta nei” cik ci.

LAMKTU 4:14

Cun ung phi gai ba nak gah ciah chang cu Peter lah Johan awn atäng ah ng’düi ci kiah khäh tah a i phi kä pyein hlawt ci gui.

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

LAMKTU 4:29

Aw Bawipa ngah mi ah pawng püi nak cu yuk chah pe gui ä. Na na chang shäm gui am, nang thu kami pyein nak hning vai tha gui na yuk pe gui ä.

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.

LAMKTU 9:27

Cun kawn ah Barnabas naw, Soul cu ang düihpüi gui ah om nak ah khah law püi netah, Bawipa cu Soul naw lam cawih ah a hmuh law amawng, Bawipa naw Soul ang thu püi ah mawng la Damaskas ah Soul naw Bawipa Jesuh ming awn ng’thu a pyein ah mawng gui cu tän neh m’thein gui ci.

LAMKTU 9:28

Soul cu ang düihpüi gui awn a täng ah om tuh netah, Jerusalem avan ung hteit neh, Bawipa Jesuh ah ming ung näng nak awn ng’thu pyein ci.

1 KORIN 14:25

Acun ah ang yak tu gui naw ani cu ng’thumcha sei, ani ah m’yih ne ang ngaih-tüh gui cu avan ng’dang sei, “Khanpughi cu nami ng’lung ah akcang ah om ci nei” cine ng’kyaa ne, m’khuukdoong ne, Khanpughi cu khawihnah khai nei.

2 KORIN 3:12

Keimi ung cun ah ngaih u nak om sei ang htei ah kami hluicang ci.