LAMKTU 3:25 - Cho Bible Common Language 2016

²⁵ Khanpughi naw a prophet gui awn apeit ah shai tak gui lah, Nami pu pa gui am Khanpughi ah ng’thu m’khän gui cu, nang mi ah hmawk ah kiak ci. Khanpughi naw Abraham am, “Nang ah hta ng’shon gui awn khomdek chang avan cu hrilham ka pe gui khai nei.

LAMKTU 3:25 Referans Kwoze

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

KALATIAN 3:8

Khanpughi naw chang khui hei gui cu ami yum nak awn amät ung düng sak gui khai, ciah cacim naw k’cä ci. Cun ah kyasei cacim naw Thu Ni Abraham am am thein cu, “Khanpughi naw nang ung, chang ah hta avan-am m’shumphyuk nak pek khai,” ciah kyak ci.

1 SHONTÄP NAK 16:17

Bawipa naw Jakob ung thukhän bik ci, cun cu kä ng’pyi hlawt khai.

ATÜNNAK 12:3

Hriham ning pek ci cu, Hriham ka pek khai, Ning plah taam ci cu, Ka plah taam khai, Nang ung chang pakhui avan cu, Hriham ka pek khai” cine pyen ci.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

KALATIAN 3:16

Tuhbäi Khanpughi ah shaitaak cu Abraham la a hta ng’shon ah hmawk ah kyak ci. Cacim ah pyein cu “Hta shon gui” chang akda a pyein ah kä kyak ci, “Hta shon” chang tumat a pyein ah kyak ci, aming cu Bawi Khrit ah kyak ci.

ROMAN 4:13

Khanpughi naw Abraham la a hta ng’shon am, khomdek khan a van cu na khäm khai cine shaitaak nak pek ci. Cun ah shai a taak cu, Abraham naw thukhän a läk ah hmawk ah kä kyak ci, Khanpughi a yum nak awn ani cu, Khanpughi naw chang düng ah k’bäi ne a dou ah hmawk ah kyak ci.

KALATIAN 3:29

Nangmi cu Bawi Khrit nami khäm ah a kyak ung, Abraham ah hta ng’shon ah kya u ne, Khanpughi ah a shaitaak cu nami gah khai.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

NEHEMIAH 9:8

Ani cu nang ung bekhüt sei na hmuk ci, ani awn nang naw thukhän na bik ci. Nang naw shin ah khaw gui na pek khai ah shaitak na bik ci. Kanaanit khaw, Hittit khaw la Amorit khaw, Perizzit khaw, Jebusit khaw, la Kirkashit khaw, cun gui cu ani ah hta ng’shon gui ah ami om nak vai ah kyak ci. Nang cu na bekhüt ci kya ne na shaitak cu na k’pang ci.

ATÜNNAK 28:14

Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

THU PHLAAN 14:6

Cun kawn ah khankho ah khankho chang tumat cu yong shüi shüi sei ka hmuk ci. Ani naw mdek ah khan a khaw päng ungka a hlü hlü ah ng’thu ciah khui päng pa päng-am m’thein vai ah ang täi ah om ciah Thu Ni cu law püi ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

ROMAN 15:8

Kei naw ka ning m’thein gui cu, Bawi Khrit naw a ghin yah ung khuut abi nak cu, Jew chang gui ah hmawk ah kyak ci. Cun cu khanpughi bä ne ang khän ah mawng am dang nak la pu pa gui am khanpughi naw shaitaak nak a peit gui cu ng’düng ne bä khai ah abi nak ah kyak ci.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

SAM 96:7

M’dek khanchang van naw Bawipa cu m’taam vä; A bämang nak la am gäi nak cu m’taam vä;

ATÜNNAK 18:18

Ani ah htangshon gui cu dämduh ne m’gäi ciah pakhui ah kyak khai gui. Chang pakhui avan cu ani awn hriham ka pek khai.

1 SHONTÄP NAK 16:16

Abraham ung abi ah thukhän, Isaak ung abi ah shaitak cu kä nami m’hnih phung vai nei, cun cu kä ng’pyi hlawt khai.