LAMKTU 3:24 - Cho Bible Common Language 2016

²⁴ Samuel lah a hei prophet gui nawh tuk ngawi ng’dang lawk khai ah amawng gui cu, pyein shüt pyi ci gui nei.

LAMKTU 3:24 Referans Kwoze

LAMKTU 3:21

Khanpughi naw a prophet theing gui ah om yah ung a pyein ah mäih ah, a päng avan ak thai ah kä ang’pian pha ah chuih cun ah Bawi cu khankhaw ah om cang khai.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

1 SAMUEL 3:20

Cun ah kyasei Israel chang avan, khaw tumat ah akcawi ungka naw vang ak cawi ung khüt ci naw, Samuel cu Bawipa ah prophet akcang ah hmat lawk ci gui.

SAM 99:6

Moses la Aaron cu a taigüpa goi ah kyak ci, Samuel cu ani ah taigü ciah kyak ci; Ngami naw Bawipa cu khü u sei, Ani naw m’shang gui ci.

ROMAN 3:21

Cun ung phi Khanpughi ung chang gui ami ng’düng nak vai ah lam cu dang pyi ci nei. Khanpughi ung düng nak cu thukhän nawn na kä kyak ci, cun ah a mawng cu Moses ah Thukhän la puorfet gui naw saksi m’dang ci gui.

LAMKTU 13:20

Shin ah a mawng ama ung khüt lawk khai ah khokum phia phli la hma-kip shou lawk ci. Cun kawn ah prophet Samuel ung khüt khai ah m’khoichak ci gui cu pe gui ci.

1 SAMUEL 3:1

Cun yah ung ak hmaw Samuel cu Eli ah ka ung om ne Bawipa ah bi bik ci, a cu ah Bawipa ung ka lawk ciah ng’thu ken ci, ani ung ka lawk ciah muimang phi apihta ah kyak ci.

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.

LAMKTU 26:23

Messiah cu sih nak a aut kawn ah, sih nak ungka tho ba htük ne, Israel chang gui la changpakhui hei gui am, hun nak ah ak dei ah mawng cu ng’shäu ne m’thein gui khai nei” cine m’hlan ne pyein tu ba ci.