LAMKTU 3:19 - Cho Bible Common Language 2016

¹⁹ Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

LAMKTU 3:19 Referans Kwoze

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

MATTHE 18:3

“Kei naw akcang ka pyein cu, nangmi cu ak hmawhta ah mäih ah nami m’lung kä nami m’thawng ung, khankho uknak ung kä nami gawk khai.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

SAM 51:9

Ka cheishoh nak gui cu kä na teng pe ne, ka shet nak gui cu na lim pe ä.

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

NG’ÄI KYAH 3:40

Mi hteh nak ah lam cu mi tümtei neta, Bawipa ah mi ng’hlat ba khai nei.

LAMKTU 11:21

Ngahmi ung Bawipa ah hlüngtai nak cu om sei, chang akhli naw Bawipa cu yum ne ng’hlat lawk ci gui.

2 PETER 3:8

Cun ung phi teih püi gui aw, tumat kä nami m’hnih vai cu, Bawipa ung kho hnüüp ät la khokum phia-ghaa cu ang lak kä om ci, a täng ah kyak ci.

LAMKTU 28:27

A i ah kyasei ci ung, shin ah chang gui ah m’lung cu aang ci, ami k’hnga cu pang ci, ami mik cu m’shing ci. Cun ah kä kya ne, akcang ah; ami mik cu m’dei ne, ami hnga cu ng’lang ne, ami m’lung cun naw hmuhmat ne, a kyak vai sü ung, kei ah ng’hlat law yawp u sei, Kei naw phi ngami cu ka gai sak gui khai,’ ci ne khanpughi naw pyein ci” ci ne m’thein gui ci.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

LUKA 1:16

Ani naw Israel chang van cu ami Bawipa Khanpughi ah law püi ba gui khai.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

DANIEL 9:13

Moses ah thukhän ung om ciah m’kyuk nak gui avan cu nang naw na na pe gui ci. Cun ung phi tuhbäi güt ung, O Bawipa kami Khanpughi, kami hma nak ungka ng’hlat law ba ne, na düng nak läk ne ning yei nak vai ah kä kami tha nak ci nei.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

LAMKTU 15:3

Khrithabum gui naw cun ah ami chang ghü gui cu pigaw k’pung ah khüt ne tha gui u sei, Rhoenicia la Samaria kho gui cu sun ne hteit ci gui. Cun ah ami hteh nak lam ah khritha gui ah ma ah changpakhui hei gui naw Khanpughi ami yum law tu a mawng cu m’thein tu gui ci gui; cun ah a mawng gui cu ng’ya u netah yum ciah chang gui cu yeikyai ci gui.

LAMKTU 3:21

Khanpughi naw a prophet theing gui ah om yah ung a pyein ah mäih ah, a päng avan ak thai ah kä ang’pian pha ah chuih cun ah Bawi cu khankhaw ah om cang khai.

LAMKTU 1:6

Ang düihpüi gui cu ng’bum law u ne tah, “Bawipa, shin ah khin cu Israel chang gui am ami khaw na ap nak ba gui vai ah akhin ah kiah ne ang?” cine ng’shik ci gui.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

NG’ÄI KYAH 5:21

Bawipa, na om nak ah na hteh püi ba gui ä, na hteh püi ba gui ä. Acau kami bämang nak man cu na m’thawh pe ba gui ä.

JEREMIAH 50:20

Cun ah khin a gawk law ung Israel ah katnak kä hmuh ba vai, Judah ung cheishoh nak kä om ba khai, a i ah kyasei ci ung kei naw phiawn ngäsei ghing ci gui cu kei naw ka m’geinsei gui khai. Kei Bawipa naw ka pyen nei.”

ISAIAH 61:9

Ngami cu chang pakhui gui ah ng’lung ah ming thang khai gui; ngami hmu gui ciah chang päng naw kei naw hriham ka pek ah chang ah kyak ci gui ah hmat gui khai.”

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

SAM 103:12

Hni law kho cawi la hni kyak kho cawi ah ng’shawng ah mäih ah, Ani naw mi katnak cu na ng’shawng sak gui ci.

SAM 51:13

Chang kaa gui am na thukhän cu ka m’thei gui khai nei, Ngami cu nang ah ng’hlat law ba khai gui nei.

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

JEREMIAH 36:3

Ngami ah khan ah kei naw ka law püi vai ah ka pawng püi ah m’dishum nak gui avan cu Judah chang gui naw ami ng’yak ung, ami shetkat nak ungka ng’hlat tei law ba hman khai gui aw. Cun ung ami cheishoh nak la ami katnak gui cu kei naw ka m’geinsei gui khai.”

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

LAMKTU 3:20

Cun ung vah Khanpughi ah ka mümcha tha mah nak agawk law nak ah khin küm law seih, nangmi ah hmawk ah ghü ne am düih pyi ah Jesuh Messiah cu nami om nak ah tüi lawk khai.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

LUKA 22:57

Cun ung phi Peter naw, “Hnumi hta aw, ani cu kei naw kä ka hmat ci nei” cik ci.