LAMKTU 3:17 - Cho Bible Common Language 2016

¹⁷ “Phäi naü gui aw, nang mi lah nami ng’vai gui naw, Bawipa Jesuh ah khan ah nami bi gui cu, i kä nami hmat su ah kyak ci, ci cu ka hmat ci nei.

LAMKTU 3:17 Referans Kwoze

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

LAMKTU 13:27

Jerusalem ung om ciah chang gui la ami ng’vai gui naw cun ah Bawi cu Hunbawi ah a kyak kä hmat ci gui, kyin hnüüp päng ung ami phat ah prophet gui ah ca guk ah a mawng phi kä hmat ci gui. Cun ung phi ngah mi naw prophet gui ah ng’thu pyein a bä vai ah cun ah Bawi cu ngawn pyi ci gui.

1 KORIN 2:8

Khodek khan bawi gui naw cun ah cüivai nak ah mawng cu a u naw kä hmat ci. Ngahmi naw ami hmat vai sü ung bämang ciah Bawipa cu kutlam tung ung kä ngawn khai sü gui te.

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

2 KORIN 3:14

Israel chang gui ah m’lung cu ng’khai ci, tuhngawi güt ung thukhän phyim cu ami phat ba phung ung ami m’lung cu, cun ah tampu naw shung gui ci. Bawi Khrih ung ghing ciah chang bäng naw vah cun ah tampu cu liim hlawt ci.

ROMAN 11:2

Khanpughi naw ak htük ge ung a ghü ah ak chang gui cu kä hnu ng’tuk püi ci. Cacim theing ung Elijah naw, Israel chang gui cu hnu ng’tuk püi gui ne, Khanpughi ah maa ah ng’thu a pyein cu nami hmat khai nei.

LAMKTU 26:9

Kei ka mät naw phi Nazaret chang Jesuh ah ming awn hnu ng’tuk khai ah bi bi vai ka yum man ci.

LAMKTU 7:40

Cun ah kiaseih ngami naw, Aaron am,” Keimi lam nam shüm gui khai ah khanpughi-hta gui na pyan pe gui ä. Keimi Egypt khaw ah ka, na law püi ba gui ciah Moses cu a i ah kyak ciah kä ka mi hmat ci nei” ci neh kyak ci gui.

JOHAN 7:52

Cun ah chang gui naw, “Nangmi Kalile kho ah kaa ma? Cacim cu teng ba shüm ä, Kalile kho ung a u profet phi kä om man ci, cun cu na hmat khai nei” cine kyak nak ci gui.

KHEI NAK 22:6

Ngami cu keimi ah ta m’gäi pi ci gui. Cun ah kyasei, na bä ni, law ne kei ah phäh ah nam taam gui vai nei. Cun ung keimi naw ngami cu hnim gui hlawt ne kami khaw ungka kami täm gui hlawt hman khai nei. Kei naw ka hmat ci, nang naw hriham na pek ung chang gui naw hriham gah ci gui. Nang naw na plah taam ung chang gui na tam naw m’kyuk gui ci.”

PHYAWN NAK 32:1

Moses cu khomhtung ah ka kä kyum law ba ne, ak shou a om cu chang gui naw hmu u neta, Aaron ah law u ne ng’bum u ne ami pyen cu, “Egypt khaw ah ka na law püi ba gui ciah Moses a i ah a kyak cu kä kami hmat ci. Cun ah kyasei lam na m’shüm gui khai ah khanpughi cu na pyan pe gui ä.”

ATÜNNAK 44:15

Joseph naw, “A i ah nami kyak ci ang? Kei ung cüivai lunglang nak a om cu kä nami hmat ne ma?” cik ci.

ATÜNNAK 39:8

Joseph naw ma neta, ani am, “Teng ä, ka bawi naw shing ah im ung khawh avan cu amät naw kä ma nak ci. Ani naw khawh avan cu kei am na m’htei sak ci nei.

ATÜNNAK 21:26

Abimelek naw, “Cun cu a u naw a ciah kä ka hmat ci. Nang naw kä na na m’thein man ci. Tuhbäi vah ka ng’ya htük ci” cik ci.

PHILIPPIAN 1:22

Cun ung phi kei cu ka ghin lä ung bi ak däm pi ka bi ba khai a kyak ung, sih nak la ghin nak ungka a i ka ghü khai ang!

LUKA 23:13

Pilat naw taigüpa gui Jew chang ng’vai gui la chang a hei gui khü gui netah;

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

LAMKTU 22:5

Kei naw ka pyein akcang ah a kyak cu, Taigü tung la Kawngsi ng’vai gui mät saksi hning khai gui nei. Ngami naw Damaskas ah Judah chang phäi nau gui am ami guk gui ah ca cu, kei naw ka gah ci. Cun ah kyasei Cun ah Bawipa yum ciah chang gui phung pha ne Jerusalem ah law püi ne m’kat gui vai ah, kei cu Damaskas ah ka hteit ci.

LAMKTU 28:21

Ngami naw, “Keimi naw nang ah mawng, ca tumat phi Judea kho ah kaa kä ka mi gah man ci. Mikmi Judah chang, tumat naw phi law ne, nang ah mawng kä ak ni ah kä pyein man ci.

EPHESIAN 4:18

Kä yum ci gui ah m’lung ngaih cu hnüp khui ah kyak ci. Ngami cu lulang nak maih ne cüivai nak kä om sei, ami m’lung ling ne, Khanpughi ah peit ah ghin nak awn api ah phi käng phaa ci.