LAMKTU 28:8 - Cho Bible Common Language 2016

⁸ Publius ah a pa cu a pawi na sei gaw ne ng’yän ci. Paul cu ani ah im kyong ah lut ne taigü ci. Cun kawn ah ani ah khan ah a kut taih ne gai ba sak ci.

LAMKTU 28:8 Referans Kwoze

LAMKTU 9:40

Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.

MAKUH 6:5

Bawipa Jesuh cu cun ah pigaw ung gawpai ci gui api a kut taih ne a gai sak gui ah kawn ah cäi aih vai a i phi kä m’dang hning ci.

MAKUH 16:18

Ngami naw k’phyu k’nget ami k’pan ung phi bäi, sih nak vai ah ng’tuui tui ami awk ung phi bäi, ngami ung sih nak kä om khai. Gawpai ci gui ah khan ah ami kut taih ne gai sak gui khai gui” cine m’thein gui ci.

MATTHE 9:18

Bawipa Jesuh naw cun ah ng’thu a pyein yah ung, Jew chang yungbawi tumat cu Bawipa Jesuh ah pei ah law ne m’khuukdoong netah, “Ka hta hnumi cu tuhbäi hta sik ci nei, cun ung phi nang Bawipa law ne ak khan ah na kut na taih ah a kyak ung, ani cu ghing ba khai nei,” cine ng’hui ng’paa ne pyein ci.

1 KORIN 12:28

Khanpughi naw khrithabum ah kyong ung, ak htük bäih ah ang düih püi gui, ak hnih nak ah purofet gui, ak thum nak ah saya gui; cun kawn ah cäi aih vai m’dang ci gui, cun ah hnu ah gawpai ci gai sak nak ah hlüngtai nak om ci gui, pawchang m’hteihtang hning ci gui, m’shüm thein hning ci gui, kä hmat ah ng’thu ah thu nak thei gui a phäh phäh ah tüi m’hnüt gui ci.

1 KORIN 12:9

Acun ah Mumchabawi tumat bä naw chang tumat am, yum nak ah hlüngtai nak cu pe ne, a hei chang tumat am, gawpai ci gai sak nak ah hlüngtai nak cu pek ci.

MATTHE 10:8

Akgaw gai sak vä, aksi m’ghin ba vä, kheei lei ah ei gui theek sak vä, khoshe gui k’täm vä, Khanpughi ah m’gein nak kä khleih ah nami gah ci kyasei, chang gui am a phu kä lak ah vah pe vä.

MATTHE 10:1

Bawipa Jesuh naw ang düihpüi chang sing gha-lei-goi cu khü gui netah, khoshe gui ami k’täm nak hning vai la gaw nak phung ami gai sak nak hning vai ah, huham cu pe gui ci.

LUKA 13:13

ak khan ah a kut taih sei, ani cu acun vai-am ak khei yäih ba sei gai ba ne, Khanpughi m’hlüngtai ci.

LUKA 4:40

Khohni a sip kawn ah chang gui naw akgaw gui akda law püi u sei, ak gaw gui ah khan ah tän ne a kut taih ne gai sak gui ci.

MAKUH 7:32

Chang gui naw pang ne ang ciah chang tumat cu law püi u netah, “Ani ah khan ah na kut taih pe ä” cine ng’yoi ci gui.

MAKUH 5:23

Ani naw Bawipa Jesuh cu hmu netah, akho pei ah kawp ne, “Kei ah ka htahnumi hta cu gaw ne si law ge vai ci nei, na bä ni, law ne ak khan ah na kut taih ne, nak taigü law pe ä, cun ung gai ba ne ghing ba khai nei” cine ng’huipa ne ng’yoi ci.

MATTHE 12:13

Cun kawn ah Bawipa Jesuh naw a kut shum ci-am, “Na kut m’cün ne k’phiäih ä,” cine pyen nak ci. Akut shum ciah chang naw a kut cu k’phiäih khätah, shum ciah a kut cu vangtäng ah mäih ah akni ah kya ba ci.

LAMKTU 28:7

A cun na pei et ah ami ng’vaipi Publius ah akaa, lai gui om ci. Ani naw keimi gui cu na dou gui ne, hnüüp thum ung na khin nah gui ci.

LAMKTU 28:9

Cun kawn ah cun ah tui koi kawng ungka gawpai ciah chang gui cu Paul ah lawk ci gui. Paul naw ngami cu gai sak gui ci.