LAMKTU 28:3 - Cho Bible Common Language 2016

³ Paul naw sing pawk ät cu la ne mei ung m’sui ci, Sing cu ui law khätah, sing pawk kyong ah kaa phyuu tumat lut law ne, Paul ah kut ung htui ne ng’bah nak ci.

LAMKTU 28:3 Referans Kwoze

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

LAMKTU 28:4

Cun ah htui ne ang bah nak cu, cun ung om ciah chang gui naw hmu u netah, “Shin ah chang cu chang ngawn ciah kyak khai, tuinu ung kä si ne a phiawn ung phi, ng’düng nak naw ani kä ghin sak ci” cine ami mät ng’htau ci gui.

2 KORIN 6:9

kä mingthang ciah kami kyak ung phi chang van naw na hmat gui ci; ak si ah kami kyak ung phi, nami hmuh a mäih ah kami ghing ci. M’kyuk nak kami gah ung phi a u naw kä na ngawn gui ci.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

ISAIAH 59:5

Nangmi naw akshe nami pawng püi cu, k’phyu m’ä mah ah m’tui akheh ah mäih ah sih nak pyang ci. Pum ät kheh sei, phyu tumat lut lawk ci; cun ung phi nami pawng püi naw nami khan ah kä ah ni ah bi bik khai — ngami cu bangkaga ng’gan awn tah ah sui ah mäih ah a i ah kä mawng khai.

ISAIAH 41:24

Nangmi la nami bi gui avan cu akholä nei; Nangmi ning khawihnah ci gui chang gui cu shemshai sak ci gui nei!

ISAIAH 30:6

Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

JOB 20:16

Chang omshe naw ak düh cu m’gui m’tha ah kya ci. A cun naw sih nak ah k’phyu naw a htuih ah mäih ah m’sih khai.

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

MAKUH 16:18

Ngami naw k’phyu k’nget ami k’pan ung phi bäi, sih nak vai ah ng’tuui tui ami awk ung phi bäi, ngami ung sih nak kä om khai. Gawpai ci gui ah khan ah ami kut taih ne gai sak gui khai gui” cine m’thein gui ci.

LAMKTU 28:2

Acun ung om ciah chang gui naw keimi cu ang htei ah nam gein gui ci gui. Kho aa ne kho m’yu law khä tah, mei cik ne nam awm gui u ne, na khin nah gui ci gui.