LAMKTU 28:28 - Cho Bible Common Language 2016

²⁸ Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

LAMKTU 28:28 Referans Kwoze

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

LUKA 3:6

Hnicim chang avan naw Khanpughi ah hun nak cu hmuk khai nei” ciah kyak ci.

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

LAMKTU 15:17

Om ciah chang nüng nüng cu kei ah lawk khai, Kei naw ka khü gui ah changpakhui hei gui phung cun phi ka khäm gui khai.

LAMKTU 15:14

Khanpughi naw ak htük bäih ah changpakhui hei gui ungka am shah gui cu ak chang ah ghü gui ne am gein gui ah mawng cu Simon naw pyein pyi ci.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

ROMAN 4:11

Cun ah Abraham cu Khanpughi naw k’bäi ne a dou kawn ah vun-ah nak cu bik ci. Cun ah vun-ah nak abi ah mawng cu, Khanpughi naw Abraham ah yum nak cu hmu netah, vun-ah nak kä abi pha ung, chang düng ah k’bäi ne a dou cu saksi ah ng’dang khai ah am hnüt nak ah kyak ci. Cun ah kya sei Abraham cu vun-ah nak kä abi ung phi, Khanpughi a yum nak awn, chang düng ah k’bäi ne dou nak gah ci gui ah Pa ah kya lawk ci.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

ROMAN 11:11

Cun ah kya sei Jew chang gui cu, ami dimaih nak ung khüt khai ah plawh kheih gui ne maa! ciah ka ning ng’shi gui hlük ci. Cun ah kä plawh kheih gui ci. Ngami cu ami shetkat ah hmawk ah hun nak cu chang khui hei gui naw gah ci gui, cun ah kya sei Jew chang gui naw chang khui hei gui cu m’thüi nak ci gui.

LAMKTU 13:38

Phäi nau gui aw, nang mi am ning hmat sak gui hlü cu; Bawipa Jesuh awn katnak m’gein nak ah mawng ning m’thein nak gui la Ani yum ciah chang phung cu Moses ah thukhän naw kä ak phiawn hlawt ah hmakat nak nüng ung phiawn nak gah ci, ciah kyak ci.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

LAMKTU 2:14

Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai.

EZEKIEL 36:32

Israel, kei naw nami hmat vai ah ka ng’yak hlü cu, kei naw shin gui shi nangmi ah phä ah ka bi ah kä kyak ci nei. Kei naw ka ng’yak hlü cu nami bilawh ah phäh ah nami thui hmai lüng’aa vai ah kyak ci nei. Kei, uktu Bawipa naw ka pyen nei.”

NG’ÄI KYAH 3:26

Cun ah kyasei m’lung sau nak awn k’äih cu mikmi ah phäh ah akni pi ah kyak ci — ani naw ana hun gui vai ah mi k’äih ci.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

LAMKTU 28:29

(Cun ah Paul naw ng’thu a pyein kawn ah Judah chang gui cu ami mät naw ng’cuh ng’can u ne hteit ba ci gui.)