LAMKTU 28:26 - Cho Bible Common Language 2016

²⁶ Cun ah am dang cu; “Nang cu Judah chang gui ah ma ah hteit netah, ‘Nangmi naw ngai ne, ngai ne, phi kä nami hmat khai; Teng ne, teng ne phi kä nami hmuk khai” cine kyak nak gui vai.

LAMKTU 28:26 Referans Kwoze

EZEKIEL 12:2

“Hnicim Chang, nang cu ng’kuknet ciah chang gui ah ng’lung ah na om ci. Ngami cu ami mik om sei phi, a i kä hmuk ci gui; ngami cu ami hnga om sei phi, a i ka ng’yak ci gui, a i ah kyasei ci ung ngami cu ami küknet ah phäh ah kyak ci.

MAKUH 4:12

A i ah kyak sei ci ung; “Ngami cu teng ne phi kä hmuk ci gui, Ngai ng’ya ne phi kä hmat ci gui, Ami teng cu hmu u ne, Ami ng’yak cu hmat u ne, ami kyak vai sü ung, Khanpughi lam ah ng’hlat lawk khai sü gui te, Cun ung ngami ah katnak phi m’gein gui khai sü te, Ci ah cacim ung om ci” cine m’thein gui ci.

LUKA 24:45

Cun kawn ah ang düihpüi gui naw cacim ami hmat vai ah ami m’lung cu hmawn pe gui netah,

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

LUKA 8:10

Bawipa Jesuh naw, “Nangmi läi cu Khanpughi ah thuuk ne ng’kau ciah khankho ah mawng cu nami hmat pyi ci. Cun ung phi chang akda cu teng lang ne kä hmuk ci gui, ng’ya lang ne kä hmat ci gui kia sei, m’tumtäng ne m’thein gui ah kyak ci nei” cine pyein ci.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

ISAIAH 66:4

Cun ah kyasei ngami ah khan ah kei naw leigai ka law püi khai-cun cu ngami naw ami kyih ah kyak khai — a i ah kyasei ci ung, kei naw khü ung a u kä äi ci, ka ng’thu a u naw kä ngai ci. Ngami ami van naw kä na ngai u ne, akshe bik ci gui.”

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

THULÄÄN NAK 29:4

Cun ung phi avan nami bui awt gui cu tuhngawi güt ani naw nangmi am kä ning hmuh sak gui ci.

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!