LAMKTU 28:20 - Cho Bible Common Language 2016

²⁰ Cun ah kyasei nangmi awn ng’hmuh vai ah ka k’tha nak ah kya ci. Kei shin ah m’si gui, gui awn ami na khih cu, Israel chang gui naw, mi ngäng ah Bawipa ah hmawk ah kyak ci” cine pyein ci.

LAMKTU 28:20 Referans Kwoze

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

PHILIPPIAN 1:13

Bawi Khrit ah changshäm ah ka kyak ah hmawk ah thawng ung ka kyum ah mawng cu, mang im ngäng ciah gaakap gui ami van la chang akda naw hmat ci gui nei.

LAMKTU 26:29

Paul naw, “Ashäng hta la ak shou nu cu ak tung ah kä kyak ci, nang ghangpughang la tuk bäi ka ng’thu ngai ng’ya tuk ciah chang avan cu, shin ah khihpawn nak ungka phyawng ne, kei ah mäih ah nami kyak law tu vai ah, Khanpughi ah kak taigü ci nei” ci ne pyein ci.

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

LAMKTU 23:6

Paul naw cun ah kawngsi ung amshah cu Pharisee gui, am shah cu Sadduces gui ah ami kyak cu hmat law netah, “Kei cu Pharisee nei, Pharisee ah na hta nei, sih nak ungka thawh ba vai ah ka ngaih u ah hmawk ah, tuk bäi cet ne nami na ng’shi ah kyak ci nei” ci ne kawngsi yung k’poh khai ah m’lau ne pyein ci.

LAMKTU 21:33

Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

PHILIMON 1:10

Cun ah kyasei Bawi Chrit ung ka hta ah kyak ciah Onesimus ah hmawk ah kei naw ka ning pa nak ci a i ah kyasei ci ung, thawng ka kium nak ah kei cu, mümcha lam ung ani ah pa ah ka kyak lawk ci.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

PHILIMON 1:13

Thuni ah hmawk ah thawng ung ka kium yah ung, nang ah hnün ung om ne nam htei khai ah, ani cu ka om sak hlü te ci nei.

2 TIMOTHI 1:10

Cun ung phi tuhchü, mi Hunbawi Khrit Jesuh a kyum law kawn ah, cun ah m’gein nak cu, mikmi ung dang lawk ci. Bawipa naw sih nak ah hlüngtai nak cu m’shiu netah, Thu Ni awn käng khuk hlat ciah ang täi ghin nak cu dang sak ci nei.

KOLOSE 4:18

“Paul ah yavaih nak” ciah shin ah ca cu ka mät ah kut kheng awn ka guk nei. M’si gui awn ami na khih nak cu kä nami m’hnih-en vai nei. Khanpughi ah m’gein nak cu nami khan ah om sä, Amen.

LAMKTU 28:17

Hnüüp thum lüng khä tah Paul naw cun ah gawnu ung om ciah Judah chang ng’vai gui khü gui ci. Ngami cu law ne ng’cut law u khätah, Paul naw, “Israel chang phäi nau gui aw, kei naw mi mät ah pakhui ah khan ah phi bäi, mi pupa gui ah thung man gui ah khan ah phi bäi, m’shetkat ne a i phi ka bi lawh kä om lang sei, kei cu Jerusalem ah Jew chang gui naw na pha u netah, Rom chang gui ah kut ung na ap ci gui nei.

LAMKTU 10:29

Cun ah kyasei, kei cu na khü ci sei kä shokshü ne ka lawk ci, kei nah na khü ah mawng cu pyein law shüm ä” cine pyen nak ci.

JEREMIAH 40:1

Ramah ung gabawi Nebuzaradan naw a na luat sak awn ah Bawipa naw ng’thu na pyen püi ci. Kei cu m’sii gui awn na khit u ne Jerusalem la Judah ah ka pha ne Babilonia ah ami hteh püi gui awn atäng ah na hteh püi ci gui.