LAMKTU 28:2 - Cho Bible Common Language 2016

² Acun ung om ciah chang gui naw keimi cu ang htei ah nam gein gui ci gui. Kho aa ne kho m’yu law khä tah, mei cik ne nam awm gui u ne, na khin nah gui ci gui.

LAMKTU 28:2 Referans Kwoze

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

ROMAN 1:14

Ng’awigi ci la ghaatghum ci, hmuhmat ci la kä hmuhmat ci, chang avan ah hmawk ah kei naw ka mawng nak ci kiasei;

2 KORIN 11:27

Kei cu yaica bawngbai ne khuut ka bik ci; ih ah phi kä ka ip hlawt ci, tui ah ka gha ci, ei ah ka cawi ci; phü ne ei vai kä om ci, yii vai kä om ci, sui vai kä om ci

LAMKTU 28:4

Cun ah htui ne ang bah nak cu, cun ung om ciah chang gui naw hmu u netah, “Shin ah chang cu chang ngawn ciah kyak khai, tuinu ung kä si ne a phiawn ung phi, ng’düng nak naw ani kä ghin sak ci” cine ami mät ng’htau ci gui.

1 KORIN 14:11

Kei ah kä hmat ah ng’thu ciah chang cu, kei ah hmawk ah, a kho hei chang ah kyak ci, ani ah hmawk ah kei phi a kho hei chang ah ka kyak ci.

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

LAMKTU 27:3

A ngawi ung keimi cu Sidon ah kami gawk ci. A cu ah Julius naw Paul cu m’gein netah a teihpüi gui awn hmuh sak gui ci. Ngami am phi khin chah na sak gui ci.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

ROMAN 2:27

Nang mi Jew chang gui cu, gu ne tai ah thukhän la vun-ah nak cu gah tu pang u ne phi, thukhän cu nami m’shet ci nei. Chang khui hei gui cu pumsa awn vun-ah nak kä a mi bi ung phi, thukhän cu läk ci gui nei. Cun ah kya sei nangmi Jew chang gui cu, chang khui hei gui naw nami katnak ning m’khoichaa gui khai gui nei.

JOHAN 18:18

Cun yah ung kho sik ci kyasei, ngäng ci gui la changshäm gui cu, mei cik ne ng’tän ne ng’düi ne awm ci gui. Peter phi ami pei ah ng’düi ne mei awm tuk ci.

EZRA 10:9

Hnüüp thum ah kyong ung acha kaw nak ah a hnüüp m’ku nak ung, Judah khopäng la Benjamin khopäng ung om ciah pami avan cu Jerusalem ah law u ne, Taigüim k’um ung ng’bum ci gui. Cun yah ung khaw ang htei ah aa sei, khokhi aa ah phäh la ami civui aküikyang ah phäh ah chang päng cu ng’khlet ci gui.

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

LAMKTU 28:3

Paul naw sing pawk ät cu la ne mei ung m’sui ci, Sing cu ui law khätah, sing pawk kyong ah kaa phyuu tumat lut law ne, Paul ah kut ung htui ne ng’bah nak ci.

ROMAN 14:1

A yum nak ken ciah chang cu nami dou vai, cun ung phi ani ah m’lung ngaih ah mawng ung kä nami ng’cuh ng’can nen püi vai.

ROMAN 14:3

A i ei phi ei thei ciah chang naw cun ah kä ei tu thei ciah chang cu kä a yokshe nak vai; Thui an bäng ei thei ciah chang naw phi, a i ei phi ei thei ciah chang cu kä ah m’shetkat vai; a i ah kya sei ci ung a i ei phi ei thei ciah chang cu Khanpughi naw a dou pyi ah kyak ci.