LAMKTU 28:17 - Cho Bible Common Language 2016

¹⁷ Hnüüp thum lüng khä tah Paul naw cun ah gawnu ung om ciah Judah chang ng’vai gui khü gui ci. Ngami cu law ne ng’cut law u khätah, Paul naw, “Israel chang phäi nau gui aw, kei naw mi mät ah pakhui ah khan ah phi bäi, mi pupa gui ah thung man gui ah khan ah phi bäi, m’shetkat ne a i phi ka bi lawh kä om lang sei, kei cu Jerusalem ah Jew chang gui naw na pha u netah, Rom chang gui ah kut ung na ap ci gui nei.

LAMKTU 28:17 Referans Kwoze

LAMKTU 25:8

Paul naw, “Kei naw, Judah chang gui ah thukhän ah khan ah phi bäi, Pum im ah khan ah phi bäi, ghangpughang ah khan ah phi bäi, ka shetkat nak tumat hta phi kä om ci,” cine m’hlan tu ba gui ci.

LAMKTU 6:14

Nazaret chang Jesuh naw k’taigüim cu gäi netah, Moses ah peit ah thungyo phi m’shet ciah thu pyein sei kami ng’yak ci nei” ci ne pyän ci gui.

LAMKTU 25:10

Paul naw, “Kei cu m’khoichaa vai ah ghangpughang ah mang kiang ung ka ng’düi pyi ci. Nang naw na hmat pyi ah mäih ah Judah chang gui ah khan ah kei naw ka katnak i kä om ci.

LAMKTU 22:5

Kei naw ka pyein akcang ah a kyak cu, Taigü tung la Kawngsi ng’vai gui mät saksi hning khai gui nei. Ngami naw Damaskas ah Judah chang phäi nau gui am ami guk gui ah ca cu, kei naw ka gah ci. Cun ah kyasei Cun ah Bawipa yum ciah chang gui phung pha ne Jerusalem ah law püi ne m’kat gui vai ah, kei cu Damaskas ah ka hteit ci.

LAMKTU 25:2

Taigü khem gui la Judah chang ang’vaih gui cu, katnak a hlü hlü Paul naw a bi ah pyein neh. Festus ah ma ah chak ci gui.

LAMKTU 23:33

K’secum gaakap gui cu Sisaria ah gawk u netah gakap ng’vaipi ah ca cu Gawmang am pe u ne, Paul cun phi ap ci gui.

ATÜNNAK 40:15

Kei cu Hebru kho ah ami na hton ah kyak ci, Egypt khaw ung phi thawng kyum nak vai ka katnak kä om ci nei” cine pyen ci.

LAMKTU 13:50

Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.