LAMKTU 28:15 - Cho Bible Common Language 2016

¹⁵ Rom ah om ciah yum ciah chang gui naw kami gawk cu ng’ya u netah, Appius Market ah phi bäi, kami kai nak im tung thum ah khüt law ne phi bäi, na dou law gui ci gui. Ngami cu Paul naw hmu gui netah, Khanpughi m’hlüng m’tai ne k’tha mah law ba ci.

LAMKTU 28:15 Referans Kwoze

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

ROMAN 15:24

tuk bäi ka law hning khai ah ka ngai ci nei. Kei cu Spain kho ah ka hteh lam ah, nang mi ah ka lawk khai ah ka ngai te ci, nang mi ah om nak ah a shäng ka om tu kawn ah, Spain kho ah ka hteh hlawt vai ah nami na m’hteihtang tu vai ka ng’ya hlük ci nei.

KALATIAN 4:14

Kei ka gawpyam nak naw nangmi a ning cüngvawn sak gui ung phi, nangmi naw kei cu kä nami na päipih ci, kä nami na hnu ng’tuk püi ci; Khankhochang ah mäih, Bawi Khrit Jesuh ah mäih ah nangmi naw kei cu nami na dou ci.

LAMKTU 21:5

Cun ah ngah mi awn kho hnüüp chih kami om tu kawn ah k’täi ne kami hteit ba ci. Zum ciah chang gui cu ami k’chu, ami hta gui ni, ami van naw pigaw k’pung tui kam pei ah khüt ne na tha tu ba gui u sei, tui kam ah kami van m’khuuk doong ne kami taigü ci.

LAMKTU 10:25

Peter a luh law vai am Konelius naw a na do ne a kho pei ah m’khuuk dong ne ngok ci.

JOHAN 12:13

Ngami cu hliip hnah, m’chum hnah gui kawt ne law u netah, “Khanpughi ah bämang nak cu m’hlüngtai vä! Khanpughi ah ang ming awn kyum lawk ciah Bawipa ah khan ah hlüngtai nak om sä! Israel Ghangpughang ah khan ah Khanpughi ah m’shumphyuk nak om sä!” cine m’lau ne Bawipa Jesuh cu ana dou ci gui.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

PHYAWN NAK 4:14

Cun ung Bawipa cu m’lungshe neta Moses am, “Na phäi, Levit chang, Aaron ah mawng cu a i hawkcha ang? Kei naw ka hmat ci, ani cu akni ah ng’thu thei ci, akcang ah tuhbäi ani cu, ning hmu lawk khai ah lawk ci, a ning hmuh law ung ani cu yeikyai khai nei.

1 THESSALONIAN 3:7

Cun ah kyasei phäi nau gui aw, keimi naw yaica nak la geinvai nak kami gah yah ung nangmi ah mawng ng’ya u ne, kami k’thamah ba ci nei. Nangmi ah yum nak naw keimi cu k’thagui na be sak gui ci nei.

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

LAMKTU 10:23

Peter naw cun ah chang gui cu kyong ah khü gui netah, cu mü ih tu sak gui ci. A ngawi ung Peter cu khü lawk ci gui ah yung ah theit tu sei, Joppa gawnu ah kaa yum ciah chang gui cun phi hteit tuk ci gui.

LAMKTU 11:1

Chang pakhui hei gui naw phi Khanpughi ah Thu Ni ami dogah tu ah mawng cu Judea kho ung ang düihpüi gui la yum pyi ci gui ah chang gui naw ng’ya ba ci gui.

LAMKTU 11:12

Mumcha Theing naw kä ng’shauk ne ngami ung ka ng’läk tu ge vai ah pyein ci. Joppa gawnu ah kaa yum ciah chang sing chuk cun phi kei awn a täng ah hteit tu u sei, kami van cu Konelius ah im ah kami lut ci.

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

LAMKTU 28:14

Cun ah pigaw ah yum ciah chang gui awn ng’hmuh u ne, kho hnüüp chih kami om vai pyein ne na chou gui u sei, om tu u netah, Romah ah k’täih ne kami hteit ci.