LAMKTU 27:5 - Cho Bible Common Language 2016

⁵ Cun ungka naw Cillicia la Pamphilia tuinu ung hteit u ne, Licia kho Mira ah kami gawk ci.

LAMKTU 27:5 Referans Kwoze

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

LAMKTU 13:13

Paul la a paw gui cu Paphos gawnu ungka htinpaw awn Pamphilia kho, Perka gawnu ah gawk ci gui. Acun ung Johan Makuh naw nawng gui shüt ne Jerusalem ah hteit ba ci.

KALATIAN 1:21

Cun kawn ah kei cu Siria la Cilicia kho ah ka hteit ci.

LAMKTU 22:3

Paul naw k’täih ne, “Kei cu Cilicia kho Tarsus gawnu ung ng’tüi ciah Judah chang tumat ah ka kyak ci. Jerusalem ung däm ng’vai law ne, pu pa gui naw ami läk ah thukhän cu Kamaliela ah a lüng ah ka theithang tuk ci. Tuk ngawi nangmi Khanpughi ung nami m’lung a ling ah mäih ah kei phi kam lung ling man ci.

LAMKTU 21:39

Paul naw, “Kei cu Judah chang ah ka kyak ci, Cilicia kho, Tarsus mang gaw ung ng’tüi ciah gaw ng’liing mang chang ah ka kiak ci. Na bä ni, chang gui ah ma ah ng’thu ka pyein vai ah nam gein nä” cine pyein ci.

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

LAMKTU 15:38

Cun ung phi Paul naw ami bi bi nak ang pyi güt ah kä hteh tu ah nawng en gui ne Pamphilia ung hlah ta gui te ci kyasei, ani khü tu ba vai cu kä yum ci.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

LAMKTU 2:10

Pontus lah Asia; Phrikia lah Pamphilia; Egypt lah Sairin ah pei Libya ah ka gui ah mi kyak ci.