LAMKTU 27:41 - Cho Bible Common Language 2016

⁴¹ Cun ung phi htinpaw cu tui ah ken nak ah gawk ne ng’tang ci. Htinpaw ma lam cu ng’süh sei, kä k’hnün ba hlawt ci a hnu lam läi tui ng’lum gui naw that sei ana a di vük ci.

LAMKTU 27:41 Referans Kwoze

EZEKIEL 27:26

Nang cu hlei hlaw ci gui naw tuinu ung ami ning law püi ung, Akiang täng ah khokhi naw kawng asho nak ung ning m’shän ci nei.

LAMKTU 27:17

Htinpaw ung bik ci gui ah chang gui naw hleikaw cu yu kaih u netah htinpaw ah pum ung khäng khai ah pawng ci gui. Ngami naw htinpaw cu Libya tuiken laigim hmu ah ang tang vai kyi u netah, htinpaw yih hmai cu api ah m’hlat ba u ne, kho ah khi nak ah ng’nawng sak ci gui.

EZEKIEL 27:34

Tuhbäi nang tuinu ung na ng’phye pyi ci; Nang cu tuinu k’thuuk ung na hnim ci. Nang ah khawh gui la na bii k’bi gui avan cu nang awn atäng ah tuinu ung maih yawp ci gui nei.

2 SHONTÄP NAK 20:37

Cun ung phi Mareshah gawnu ah ka, Dodavahu ah hta Eliezer naw Jehoshaphat am ng’thu akbäi cu, “Nang naw Ahaziah awn khawtsheng nak na bi ah phäh ah, nang naw na cawh cu Bawipa naw m’di khai nei.” Cun ung htinpaw gui cu she sei, a hawi kä hteit hlawt ci gui.

1 GHANGPUGHANG GUI 22:48

Ghangpughang Jehoshaphat naw tuinu-ung hteit ciah htinpaw cu Ophira kho ah hteit ne ghui gui lak khai ah pyang ci; cun ung phi cun gui cu Ezionkeber she sei kä hteit hlawk ci gui.

LAMKTU 27:30

Htinpaw ung bi bik ci gui ah chang gui cu htinpaw ah ma lam ah ng’shung nak vai pyang ci gui ah ng’shei u netah, phiawn nak ah hleiko ung dawng khai gui ah ami pawng yah ung;

LAMKTU 27:40

Ngahmi naw lung ami m’kaih nak ah gui, gui cu aat pit u ne lung gui cu tui ung yuk chak ci gui. Acun yah ung a mawng vang ah ami khih nak ah gui, gui cun phi k’phian ci gui. Cun kawn ah htinpaw ma lam ah yihdung cu tai ba u ne, tui kam lam ah m’hnawng ci gui.

LAMKTU 27:42

Cun yah ung gaakap gui naw thawng cun gui tui ng’väk ne ami dawng vai ah kyih u netah, kaap ne ngawn gui vai ah k’bäi ci gui.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.