LAMKTU 27:35 - Cho Bible Common Language 2016

³⁵ Cun kawn ah Paul naw m’htut cu la ne, ami van ah ma ah Khanpughi m’hlüngtai ne taigü netah, m’htut cu k’bo ne ei ci.

LAMKTU 27:35 Referans Kwoze

MATTHE 15:36

M’htut pum chih la nga api cu la ne, Khanpughi ah taigü netah, m’htut la nga cu bou ne ang düihpüi gui-am pe gui sei ang düihpüi gui naw chang gui-am tei gui ci gui.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

1 PETER 4:16

Cun ung phi Khritha ah na mi kyak ah hmawk ah geinvai dukdeiu nak a gawk law ung kä na mi thui ng’aa vai nei, Bawi Khrit ah ming ung nami om pyi ci kyasei Khanpughi nami m’hlüngtai vai nei.

ROMAN 14:6

Kho hnüüp k’ni ngaih-tüh ciah chang cu Bawipa am tamkhah nak ah a ngaih-tüh ah kyak ci; a i ei phi ei thei ciah chang cu Bawipa am tamkhah nak ah a ei ah kyak ci, a i ah kya sei ci ung ani naw cun ah ei ah hmawk ah Khanpughi cu m’hlüngtai ci. Ei am shah hlawi ciah chang cun phi Bawipa am tamkhah nak ah a hlawi ah kyak ci, ani naw phi cun ah a hlawi ah hmawk ah Khanpughi cu m’hlüngtai ci.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

JOHAN 6:23

Cun ung phi Tiperia ah kaa lawk ciah hleiko gui cu Bawipa Jesuh naw taigü ne chang akda-am ei am bei nak gui te ah pei ah gawk lawk ci gui.

JOHAN 6:11

Bawipa Jesuh naw m’htut cu la ne Khanpughi ah taigü netah, chang gui-am tei gui ci. Nga phi la ne tei gui ci.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

MAKUH 8:6

Bawipa Jesuh naw chang gui cu m’dek ung ngok sak gui netah, m’htut pum chih cu la ne, Khanpughi m’hlüngtai netah, m’htut cu k’bou ne chang gui-am ami tei gui vai ah ang düihpüi gui-am pe gui ci. Ang düihpüi gui naw chang gui-am tei gui ci gui.

MATTHE 14:19

Bawipa Jesuh naw chang gui cu, taa ng’phan khan ah ngoh sak gui netah, m’htut, pum hma la nga pahnih cu la ne, khankho dan ne Khanpughi m’hlüngtai ci. Cun kawn ah m’htut cu bou ne ang düihpüi gui-am pe gui ci, ngami naw chang gui-am tei gui ci gui.

SAM 119:46

Na thumkhän gui cu kei naw ghangpughang gui ah ma ah ka ng’shäu khai, kei cu kä ka lü ng’aa khai.