LAMKTU 27:18 - Cho Bible Common Language 2016

¹⁸ A ngawi ung cun phi puikho khi ne ng’pheet laih laih khätah htinpaw ung bi ci gui ah ah chang gui naw htinpaw khan ah khawhcham gui cu, kaw ne ak pung ah ghawt yawp ci gui.

LAMKTU 27:18 Referans Kwoze

JONAH 1:5

Htinpaw ung bik ci gui cu cäicat u neta, m’htei gui khai ah ami khanpughi phäh phäh cu khü ci gui. Cun kawn ah htinpaw a yaang vai ah ami phui gui cu ghawt ci gui. Cun sangung Jonah cu ka ah yu kyum neta htinpaw akheng ah ng’yän ne hnai ne ip ci.

LAMKTU 27:38

Avan phü vai ah kami ei auk kawn ah, htinpaw a yaang vai ah hmawk ah k’htang ip gui cu tui ung shum ci gui.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

LAMKTU 27:19

A ngawi ung mä htinpaw ung ami pyamtham nak ba ah khawhcham gui cu la ne ghawt yawp ci gui.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

SAM 107:27

Zu awk tak ciah mäih ah ng’phiu ne ng’vak u ne, ami k’tha a i ah kä mawng ba ci gui.

LUKA 12:23

Hnun ghin nak cu ei awk ah ta bä pi ci, pumsa cu suisak ah tah bä pi ci.