LAMKTU 27:13 - Cho Bible Common Language 2016

¹³ Htum lam ah kaa kho khi law khä tah, htinpaw ung chang gui cu ami ngaih bä ah kya lawk ciah ngai u ne, htinpaw awn Krete tui kam yawi gäk gäk ne hteit ci gui.

LAMKTU 27:13 Referans Kwoze

LUKA 12:55

Htum lam ah kho akhi law ung kho shek khai nami cik ci, nami pyein ah mäih ah she tuk cang ci.

SOLOMON NG’Ä~ 4:16

A siip ah khokhi, tho law. A htum ah khokhi, ka u-yin ung khi law; khokhi cu tui ng’ui awn be sak ä. Kei ah ka m’hni cu ani ah u-yin ung law ne, a cun ah m’theih akni pi gui cu ei sä.

SAM 78:26

Ani naw kiang khokhi cu ng’hlah sak ne, a huham awn htum khokhi cu m’tho ci;

JOB 37:17

Htum khokhi naw khong lei a hnem law ung Nang cu ng’ling sei na na yaica vai bäng om ci nei.

LAMKTU 2:11

Am shah gui cu Rom ah ka lawk ci gui ah Judah chang gui lah Judah thung ah om tuk ci gui ah akhui hei chang gui ah kyak ci. Amshah gui cu Krete lah Arabia chang gui ah kyak ci. Cun ung phi chang avan naw, Khanpughi ah bä khäk nak ah mawng ami ng’thu pyein cu, mi mät ah ng’thu phäh phäh awn mi ng’yak ci nei” ci ne kiak ci gui.

LAMKTU 27:8

Tuikem awn ng’et pipi khai ah htinpaw awn hteit u ne, khak ngai ngai sei Lasea pigaw pei, Safe kho ng’phäng ami ci nak ung kami gawk ci.

LAMKTU 27:12

Cun ah pigaw tuikam ung kho hting kho ah htinpaw ang düm nak vai kä ni khähtah, chang akda naw Phoenik tuikam ung ang düm vai ah yum ci gui. Phoenik gawnu tuikam cu, Krete kho ung om ne hni kiaak htumsiip lam ah hmai nak khai ah ami sak ah pigaw ah kiak ci.

LAMKTU 27:21

Chang gui cu a i kä ei auk ah kho hnüüp ak shou om law yai u khätah, Paul naw ami ng’lung ah ng’düi netah,” Ang vai gui aw, nangmi naw kei ah thu cu ngai uk ci sei, Krete ungka kä hteit ne mi om vai sü ung, tuk bäi kämi di maih khai sü te.

TITUS 1:5

Kei naw Crete ung ka ning nawng shüt cu, bi vai om ba ci gui avan ang khän khai ah na bi vai la api gaw päng ung khritha k’tahnga gui nam düih vai ah hmawk ah kyak ci. Tuhbäi ka ning m’shüm thein gui cu na shüm vai nei:

TITUS 1:12

Cretan chang ami mät ah profet tumat naw, “Cretan chang gui cu angtäi sei hleeihlak ci gui, ngetngawng m’ghämce ci gui, damduh ci gui,” nei cine pyein ci. Cun ah kyasei ak ghaat ah nami m’cäi gui vai, cun ung ami yum nak khänghtek lawk khai.