LAMKTU 26:29 - Cho Bible Common Language 2016

²⁹ Paul naw, “Ashäng hta la ak shou nu cu ak tung ah kä kyak ci, nang ghangpughang la tuk bäi ka ng’thu ngai ng’ya tuk ciah chang avan cu, shin ah khihpawn nak ungka phyawng ne, kei ah mäih ah nami kyak law tu vai ah, Khanpughi ah kak taigü ci nei” ci ne pyein ci.

LAMKTU 26:29 Referans Kwoze

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

ROMAN 10:1

Phäi nau gui aw, kei naw ka chang gui hun nak ami gah vai cu ka m’lung kyong avan awn ng’ya hlü aih netah, ngami ah hmawk ah Khanpughi ah ka taigü ci nei.

LAMKTU 21:33

Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

2 KORIN 11:1

Kei ah api ah ka shetkat nak cu nami hnimgei vai nei, Nami Bä ni!

1 KORIN 7:7

Akcang ah chang avan cu ka mät ah mäih ah ka kyak sak hlük ci: cun ung phi Khanpughi naw chang tumat ci am m’cümhnah nak a phäh phäh cu na pek gui ci.

1 KORIN 4:8

Nangmi cu nami ng’yak hlü päng kumbe pyi ne maa! Nami ng’büh mang ei pyi ci maa! Keimi hnaw ghangpughang ah kä kya u ngä sei, nangmi ghangpughang ah nami kya pyi ci maa! Nangmi cu akcang ah ghangpughang ah nami kyak vai ka ng’ya hlük ci, cun ung vah keimi phi nangmi awn a täng ah ghangpughang ah kami kya tuk khai.

LAMKTU 25:14

Ngami ak shou ani om tu kawn ah Festus naw, Ghangpughang am Paul ah mawng cu m’thein tuk ci. Festus naw, “Shin ung Felix naw thawng ung a chum shüt ah chang tumat om ci.

LAMKTU 12:6

Herod naw Peter cu chang gui ah ma ah kä a k’plawk pha ah kho mü ät ung, Peter cu ngäng ciah gaakap hnih ang lak ung ip ci. Ani cu m’si gui hnih awn khih u ne, thawng m’kawt pei ah phi gaakap gui naw ngäng ci gui.

JOHAN 5:34

Kei ah hmawk ah chang a saksi vai ah kä hlü te ci, cun ung phi nangmi naw hun nak nami gah vai ah ka pyein ah kyak ci.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

2 GHANGPUGHANG GUI 5:3

Hnüüp ät ung ani naw abawinu am, “Kei ah ka bawi cu Samaria ah om ciah prophet ah a hteh vai ka ng’ya hlük ci nei! Ani naw a gaw nak cu gai sak khai nei” cik ci.

2 SAMUEL 18:33

Ghangpughang cu ang htei ah thüi ci. Ani cu m’kawt ah khan, akhan ung hang kai neta thüi ci. Ani thüi ne akyah cu, “O Ka hta! Ka hta Absalom! Absalom ka hta! Nang ah hnün ung kei vah ka sik khai sü, ka hta! Absalom ka hta!”

KHEI NAK 11:29

Moses naw, “Nang cu kei ah hmawk ah ning m’ä tu ne ma? Kei naw ka ng’yak hlü cu Bawipa naw ang mümcha cu ak chang gui avan am a peik vai. Ngami ami van cu prophet ah mäih ah ami m’lau vai ah kyak ci.

PHYAWN NAK 16:3

ami pyen cu, “Egypt khaw ah Bawipa naw ana ngawn gui vai kami ng’ya hlük ci. A cu ah keimi kami om ip ci, meh la buh cu kami m’hni ah phü ne kami ei ci. Cun ung phi nang naw shin ah bung ah na law püi gui ne, ei ah cawi ne na na sih sak gui yawp vai ci nei” cik ci gui.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.