LAMKTU 26:28 - Cho Bible Common Language 2016

²⁸ Akrippa naw Paul am, “Nang naw kei cu, a shäng hta ung khritha ah na na kyak sak khai ah na ngai ci maa?” cine pyen nak ci.

LAMKTU 26:28 Referans Kwoze

LAMKTU 11:26

Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

1 PETER 4:16

Cun ung phi Khritha ah na mi kyak ah hmawk ah geinvai dukdeiu nak a gawk law ung kä na mi thui ng’aa vai nei, Bawi Khrit ah ming ung nami om pyi ci kyasei Khanpughi nami m’hlüngtai vai nei.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

LAMKTU 26:29

Paul naw, “Ashäng hta la ak shou nu cu ak tung ah kä kyak ci, nang ghangpughang la tuk bäi ka ng’thu ngai ng’ya tuk ciah chang avan cu, shin ah khihpawn nak ungka phyawng ne, kei ah mäih ah nami kyak law tu vai ah, Khanpughi ah kak taigü ci nei” ci ne pyein ci.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

LAMKTU 26:27

Ghangpughang aw, prophet cacim gui cu na yum ci ang? Na yum ciah kei naw ka hmat ci nei” cine pyein ci.