LAMKTU 26:24 - Cho Bible Common Language 2016

²⁴ Paul naw cun ah thu a pyein yah ung, Festus naw, “Paul aw, nang na gu pyi ci nei, na mät ah hmuhmat nak naw ning gu sak pyi ci nei” cine m’lau ne pyein ci.

LAMKTU 26:24 Referans Kwoze

1 KORIN 1:23

Keimi läi cu kutlam tung ung ami ngawn ah Bawi Khrih ah mawng ng’shäu ne kami pyein ci. Cun cu Jew chang gui ah kä ng’ak hlü, clang khum hei gum ah hmawk ah akholä ah kyak ci.

2 KORIN 5:13

Keimi cu kä ka mi gu ei ci ang? Kami gu ah a kyak ung Khanpughi ah hmawk ah kyak khai. Kä ka mi gu ah a kyak ung, nangmi ah hmawk ah kyak khai.

1 KORIN 4:10

Keimi cu Bawi Khrih ah hmawk ah changshe ah kami kyak ci, Cun ung phi nangmi cu Bawi Khrih ung nami kawng ät nak awn cüivai ciah nami kyak ci! Keimi cu kami k’tha ken ci, nangmi cu nami k’thamah ci; Keimi cu chang naw na päipih gui ci, nangmi cu chang naw ning chang m’sui gui ci!

MAKUH 3:21

Chang gui naw, Bawipa Jesuh-am, “Gu lawk ci nei” cine kya u sei ng’ya u netah, Bawipa Jesuh ah ak kyong ungka gui cu, ani m’hteihtang khai gui ah a pei ah lawk ci gui.

LAMKTU 26:11

Pum im gui ung phi kei naw akda vei ngami cu m’sheitkat gui ne, ami yum nak ami nawng vai ah ka k’tha na man ci. Kei cu ngami ah khan ah m’lung k’she aih netah, a kho hei gawnu gui yungpum ah hteit ne ngami cu ka k’dudeiu na gui ci.

JEREMIAH 29:26

Nang cu Jehoiada ah hnün ung taigü ah Bawipa naw ning m’düih ci Tuhbäi nang cu Taigüim ung Bawi angvaipi ah na kya kü Prophet ah ng’shei ciah akgu phung cu hmu teng ne m’sii gui awn a gawn ung pat ne na ci vai cu nang ah bi vai ah kyak ci nei.

2 GHANGPUGHANG GUI 9:11

Jehu cu apaw gui bawi gui ah hteit ba khäta, ami ng’shi cu, “A päng avan cu bä ne ang? Cän ah chang gu aang naw a i ang ang yak hlü?” Jehu naw, “Ani naw ang yak hlü cu nangmi naw nami hmat ci” ci nak ci.

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

LAMKTU 22:1

“Israel chang nupa phäi nau gui aw, tuk bäi ka mät ah mawng phlehphlang ne ka pyein lawk khai na ngai tu vä!

JOHAN 8:52

Ngami naw, “Nang cu khoshe naw a ning kai ah kami hmat ci nei, Abraham si pyi ci, profet gui phi si pyi ci gui, cun ung phi kei ah thu ngai cicu kä si hlawt khai” na cik ci.

JOHAN 8:48

Ngami naw Bawipa Jesuh-am,” Nang cu Samaritan chang, khoshe ah kai nei “Kami cicu kä hman ne ma?” ci nak ci gui.

JOHAN 7:15

Jew chang ng’vai gui cu ang htei ah cäicat u netah, “A hawi ah phi kä ng’theithang man ci naw, a i hawk chaa ah shin gui a hmat ang” cik ci gui.

LAMKTU 24:27

Cun kawn ah khokum goi lüng khä tah, Felix ah hnün ung Porcius Festus cu Gawmang ah kya lawk ci. Felix cu Judah chang gui naw ami chang m’sui vai ng’ya hlü netah, Paul cu thawng ung chum lä shüt ci.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.