LAMKTU 26:17 - Cho Bible Common Language 2016

¹⁷ Kei naw nang cu Israel chang gui ah kut ung phi bäi, kei naw ning tüi ngäh sei na hteh nak ah changpakhui hei gui ah kut ung phi bäi, ka ning hun khai.

LAMKTU 26:17 Referans Kwoze

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

ROMAN 11:13

Kei naw nang chang khui hei gui ah maa ah ng’thu ka pyein ci nei. Kei cu chang khui hei gui ah hmawk ah ang düih püi ah ka kyak ci kya sei, ka mät ah bi nak awn ka khähghah ci nei.

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

2 TIMOTHI 1:11

Khanpughi naw kei cu Thu Ni ng’shäu ciah ang düihpüi la saya ah anam düih ah kyak ci.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

JEREMIAH 1:8

Nang naw kä na kyih en gui vai, kei naw nang ning om püi ne ka ning shung vong khai, kei Bawipa naw ka pyen ci.”

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

LAMKTU 25:3

Ngahmi cu Paul ami law püi ung lam ah mah ne ngawn vai ah pawng pyi ci gui ah kya ne, Ngami am hlün nak gui ah Paul cu Jerusalem ah a hteh püi ba sak gui vai ah k’thäh ci gui.

LAMKTU 18:10

A u naw phi nang kä ning k’shedam nak khai, shin ah gawnu ung om ciah chang akda cu, kei na yum ciah chang gui nei” cine pyein ci.

LAMKTU 17:14

A cun vai am yum ciah chang gui naw Paul cu tuinu kam lam ah hteh sak ci gui. Silas la Timothi läi cu Berea ah om shüt ci goi.

LAMKTU 17:10

Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi.

LAMKTU 16:39

Cun ah kyasei ngah mi cu law u ne, Paul la Silas cu ng’ge püi ba goi u netah, thawng ungka k’plawk ba goi u ne, cun ah gawnu ungka naw ani hteh ba vai ah m’cäi goi ci gui.

LAMKTU 13:50

Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

1 SHONTÄP NAK 16:35

Ani cu pyen ah vä, “Na hun gui ä, Khanpughi kami Hunbawi; a täng ah nak bum gui ä, chang pakhui gui ung keimi cu na gung gui ä, Cun ung keimi naw ning yei na u ne nang ming theing kami m’tam khai nei.”

EZEKIEL 3:5

Kei naw nang cu khak ciah akhohei Chang gui ah ng’thu ciah pakhui gui ah ka ning täih ah kä kyak ci, Israel Chang gui ah ka ning tüih ah kyak ci.