LAMKTU 26:16 - Cho Bible Common Language 2016

¹⁶ Nang cu kei ah bi na bik khai, ka ning m’düih khai ah, tuk bäi ka lawk ci. Tuk ngawi na hmuh gui ah a mawng ama gui la, ngawi ah ka ning m’hnuh law vai ah a mawng ama gui cu, nang naw chang hei gui ah ma ah saksi ne na pyein khai.

LAMKTU 26:16 Referans Kwoze

DANIEL 10:11

Khanchang naw kei am ana pyen nak cu, “Daniela, Khanpughi naw ning m’hni ci. Ng’düi law ne kei naw ka pyen law vai cu geing na ne ngai ä. Kei naw nang cu ka ning tüi ci nei.” Ani naw shin ah a pyen yah ung kei ka ng’düi lawk ci, ka ng’hlet lä ci.

EZEKIEL 2:1

Ng’thu pyen cu, “Hnicim chang, ng’düi law ä. Nang ka ning thu pui hlük ci nei.”

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

KALATIAN 1:12

Kei naw chang tumatmat ungka ka gah ah kä kyak ci, chang tumatmat naw a nam theingthang ah phi kä kyak ci. Bawipa Jesuh Khrit amät naw khän ne a nam dang ah kyak ci.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

KOLOSE 1:25

Khanpughi naw kei cu khrithabum ah changshäm ah na pyang pyi ci nei, cun cu nangmi ah ni kyom nak vai ah kei-am ana peit ah kyak ci. Cun cu Thu Ni kümbe khai ah ng’shäu ne pyein nak vai ah kyak ci.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

KALATIAN 2:2

Cun ah ka hteh cu Khanpughi ah lam shüm nak ah kyak ci. Kei cu ang vai ba gui awn ng’hmu u ne, khui hei chang gui-am kam thei tu gui ah Thu Ni ah mawng cu kam thein gui ci. Kei naw ayan ka bi phi bäi, tuhbäi ka bi phi bäi, a kholä düt ah a kyak vai kä ka ng’ya hlük ci.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

KOLOSE 1:7

Nangmi naw Khanpughi ah am gein nak cu Epaphras ah nami ng’thei ci. Ani cu mi changshäm, mikmi ah hmawk ah bekhüt ciah Bawi Khrit ah khuut bik ciah kyak ci.

2 KORIN 5:18

Cun avan cu Khanpughi ah bi ah kyak ci, Khanpughi naw mikmi cu a gaa ungka a teihpüi ah Bawi Khrih awn na ng’thon sak gui ci, chang hei gui cun phi a teihpüi ah ami kyak law tu vai ah, bi nak vai cu na pe gui ci.

2 KORIN 4:1

Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

LAMKTU 22:10

Kei naw, “Bawipa, Kei a i ah ka kyak khai ang” cine ng’shi ba ngätah, Bawipa naw, Tho law ne, Damaskas ah hteit ä, cu ah na gawk awn ah a i ah na kyak vai cu Khanpughi naw ning m’thein khai nei” cine pyein ci.

LAMKTU 21:19

Paul naw ngami cu yei ne dou gui netah changpakhui hei gui ah ma ah ani awn Khanpughi naw a bi law ah a mawng gui cu m’thein tu gui ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

LAMKTU 6:4

Keimi läi cu taigü nak lah Khanpughi ah ng’thu pyein nak awn akhin be khai ah kami bik khai” cik ci gui.

LAMKTU 1:25

Ani ah hnün ung bik khai ah shin ah chang hnih ung ka, a u na ghü ah nam thein gui ä” ci gui.

LAMKTU 1:17

Judas cu ang düihpüi tumat ah a ghü tu ah kiah seih mik mi ung ka ah kyak ci.

LUKA 1:2

Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.

LAMKTU 26:15

Kei naw, “Bawipa nang a u nei” cine ng’shi ngä tah, Bawipa naw, “Kei cu nang naw na k’dudeiu nak ah Jesuh nei,

EPHESIAN 3:3

Khanpughi naw thuuk ciah a pawngpüi gui cu kei-am nam thein ci. (Shin ah mawng cu ak tawi ah kei naw ka gu pyi ci,