LAMKTU 26:14 - Cho Bible Common Language 2016

¹⁴ Acun vai am kami van kyu ne m’dek ung kami ng’yän ci. Cun kawn ah Hebru ng’thu awn, “Soul, Soul! A i ah kyasei kei nah na k’dudeiu nak ang? Vantang naw a mah ah thah htung ak peh ah mäih ah, nang naw htung m’shum cu nak peh ung na mät ung nak khai nei” ciah k’aw cu ka ng’ya ci.

LAMKTU 26:14 Referans Kwoze

LAMKTU 21:40

Gaakap bawi naw yum sei, Paul cu khlaak ung ng’düi netah, chang gui ami dingkyiip vai ah a kut awn nüt ci. Chang gui dingkyiip yawp u khätah Paul naw Hebru ng’thu awn: shicha pyein ci.

LAMKTU 22:2

Cun ah Hebru ng’thu awn a pyein cu chang gui naw ng’ya u netah dingkyiip law pi ne ngai ci gui.

LAMKTU 9:7

Soul awn ng’gui lawk ciah chang gui cu, cun ah k’aw ng’yah tupang u neh phi, a i phi kä hmu tuk ci gui kiah neh cäi neh ng’düi ci gui.

1 KORIN 10:22

Mikmi naw Bawipa cu mi m’thüi m’ khang nak khai ang? Mikmi cu Bawipa ah mä mi khüighaat pi ciah mi ngai ne ang?

ZEKHARIAH 12:2

“Kei naw Jerusalem cu sapyit khap ah mäih ah ka pyang khai; a pei ng’leng ah pakhui gui naw, aw u neta, awktat ciah mäih ah kyu ng’täng khai gui. Jerusalem cu koi u ne ami tuk law ung, k’pawih ba ciah Judah mang gaw gui phi koi gui khai gui.

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.

NG'THU K'THUUK~ 13:15

Lunglang ci naw chang m’sui nak gah ci, Cun ung phi kä ng’ap hning ci gui cu lam she ung hteit ci gui.

LAMKTU 26:13

Cun ah kami hteh yah, kho hnüüp lunglai ung, hni ah dei pi ciah ak dei cu, khankho ah kaa kya law ne, veing ne na shü law sei ka hmuk ci, kami ng’gui ci gui naw phi hmu tuk ci gui.

LAMKTU 26:15

Kei naw, “Bawipa nang a u nei” cine ng’shi ngä tah, Bawipa naw, “Kei cu nang naw na k’dudeiu nak ah Jesuh nei,