LAMKTU 26:13 - Cho Bible Common Language 2016

¹³ Cun ah kami hteh yah, kho hnüüp lunglai ung, hni ah dei pi ciah ak dei cu, khankho ah kaa kya law ne, veing ne na shü law sei ka hmuk ci, kami ng’gui ci gui naw phi hmu tuk ci gui.

LAMKTU 26:13 Referans Kwoze

MATTHE 17:2

Ngami naw ami hmuh ge ah Bawipa Jesuh ah amüi cu ng’khukhlat lawk ci, a hmai cu khohni ah mäih ah pyü ne, a suisak gui cu bawk-en phäng phäng ne khang ci.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

LAMKTU 22:6

“Kei cu lam ka hteit te ci, Damaskas gawnu kak et law yah, hnüüp lunglai khin ung khankho ah kaa ak dei nu cu ang ghit ah kia law ne, veing ne na shü lawk ci.

LAMKTU 9:3

Soul cu Damaskas gawnu pei ah agawk law yah ung khankhaw ah ka akdei cu ang ghit ah ng’dang law neh khang neh shü lawk ci.

ISAIAH 30:26

Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

LAMKTU 22:9

Kei awn a täng ah kami ng’gui ciah chang gui naw ak dei cu hmu tu pang u ne phi kei na ng’thu püi ciah k’aw cu kä ng’ya tuk ci gui.

LAMKTU 26:12

“A cun ah ng’bü nak awn kei cu Taigü khem ah huham nak ca la netah Damaskas ah ka hteit ci.

LAMKTU 26:14

Acun vai am kami van kyu ne m’dek ung kami ng’yän ci. Cun kawn ah Hebru ng’thu awn, “Soul, Soul! A i ah kyasei kei nah na k’dudeiu nak ang? Vantang naw a mah ah thah htung ak peh ah mäih ah, nang naw htung m’shum cu nak peh ung na mät ung nak khai nei” ciah k’aw cu ka ng’ya ci.