LAMKTU 26:10 - Cho Bible Common Language 2016

¹⁰ Jerusalem ung kei naw ka bi gui cu; Kei cu Taigü khem gui ah huham gah netah, Khanpughi ah chang gui cu pha ne thawng ung ka chum gui ci; ngami ngawn gui vai ah ami k’bäi law ung phi yum ne ka k’cang na gui ci.

LAMKTU 26:10 Referans Kwoze

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

LAMKTU 9:21

Ani ah ng’thu ng’yak ciah chang gui cu cäicat u nehtah, “Shin ah chang cu, Jerusalem ah Bawipa Jesuh ah k’taigü ciah chang gui phung ngawn phah gui ciah kä kya ne ang? Zum ciah chang gui phung phah ne, k’taigü pa gui ah om nak ah hteh püi khai ah sha lawk ciah kä kya ne ang?” cine kyak ci gui.

1 KORIN 15:9

Kei cu ang düihpüi gui ung ak chui pi k’bäih ah ka kyak ci — Khanpughi ah Khrithabum kak dukdeiu nak ci kya sei, ang düihpüi ah khü vai ah phi kä ka khin ci.

LAMKTU 9:26

Soul cu Jerusalem ah hteit ba netah ang düihpüi gui ung ng’dawn tuk khai ah k’tha nak ci, Cun ung phi ngami naw, ani ang duihpüi ah a kyak law tu cu, akcang ah kä ngai u netah kyih ci gui.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

LAMKTU 7:58

Stephen cu phah u neh pigaw k’pung ah hteh püi u netah, ng’lung nah ne lung awn vawi ci gui. Vawi ciah chang gui cu ami suinu suut netah Soul ming nak ciah ak hmaw chang tumat am ap ci gui.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

EPHESIAN 1:1

Khanpughi ah ang yak hlü ah Bawi Jesuh Khrit ah ang düihpüi ah kyak ciah kei Paul naw, Ephesus gawnu ung Khanpughi ah chang gui, bekhüt ciah khritha gui-am ca ning peit law gui nei.

KALATIAN 1:13

Kei naw Jew gui ah yum nak ung ka om yah ung a i ah ka bilawh man cu ka ning m’thein gui pyi ah kyak ci. Kei naw Khanpughi yum ci gui cu ak she ah k’dudeiu na gui ne, khrithabum cu m’di vai ah ka k’tha na pi k’bäih ci.

LAMKTU 9:41

Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci.

LAMKTU 9:32

Peter cu kho päng ung hteit shüi netah, hnüät ung Khanpughi ah chang gui ah om nak, Lidda pigaw ah gawk lawk ci.

SAM 16:3

Bawipa ah bekhüt ciah ak chang gui cu a i hlawk ah küikyang ci ang! Kei ah hlüngtai pi ciah yeikyai nak cu ngami awn atäng ah om ci nei.