LAMKTU 25:8 - Cho Bible Common Language 2016

⁸ Paul naw, “Kei naw, Judah chang gui ah thukhän ah khan ah phi bäi, Pum im ah khan ah phi bäi, ghangpughang ah khan ah phi bäi, ka shetkat nak tumat hta phi kä om ci,” cine m’hlan tu ba gui ci.

LAMKTU 25:8 Referans Kwoze

LAMKTU 28:17

Hnüüp thum lüng khä tah Paul naw cun ah gawnu ung om ciah Judah chang ng’vai gui khü gui ci. Ngami cu law ne ng’cut law u khätah, Paul naw, “Israel chang phäi nau gui aw, kei naw mi mät ah pakhui ah khan ah phi bäi, mi pupa gui ah thung man gui ah khan ah phi bäi, m’shetkat ne a i phi ka bi lawh kä om lang sei, kei cu Jerusalem ah Jew chang gui naw na pha u netah, Rom chang gui ah kut ung na ap ci gui nei.

LAMKTU 24:12

Taigü im ung phi bä, pum im gui ungphi bäi, pigaw kyong ah phi bäi, chang gui thüngphyong khai gui ah kei naw ka tüih tok cu Judah chang gui naw kä hmuh man khai gui nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

LAMKTU 28:21

Ngami naw, “Keimi naw nang ah mawng, ca tumat phi Judea kho ah kaa kä ka mi gah man ci. Mikmi Judah chang, tumat naw phi law ne, nang ah mawng kä ak ni ah kä pyein man ci.

JEREMIAH 37:18

Cun kawn ah ka ng’shi cu, “Nang naw kei thawng ung na na chum vai ah nang, na bawi gui la shin ah chang gui hnungtuk gui ne kei naw a i katnak ang ka bi?

LAMKTU 25:10

Paul naw, “Kei cu m’khoichaa vai ah ghangpughang ah mang kiang ung ka ng’düi pyi ci. Nang naw na hmat pyi ah mäih ah Judah chang gui ah khan ah kei naw ka katnak i kä om ci.

LAMKTU 24:6

Pum im cun phi shetkat sak khai ah k’tha nah khä tah kami pha nei. (Keimi naw ani cu thukhän awn m’khoichaa vai ah ng’ya hlü u ngäh sei phi,

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

ATÜNNAK 40:15

Kei cu Hebru kho ah ami na hton ah kyak ci, Egypt khaw ung phi thawng kyum nak vai ka katnak kä om ci nei” cine pyen ci.

LAMKTU 24:14

Cun ung phi ngami naw kä ng’düng ciah ami pyein ah lam ung pupa gui ah Khanpughi cu ka taigü ci. Moses ah thukhän avan la prophet gui ah cacim avan cun phi ka yum ci.