LAMKTU 25:5 - Cho Bible Common Language 2016

⁵ Nami ng’vaihta gui cu kei awn a täng ah hteit tu u ne, Paul ung a kat nak a om ah a kyak ung tän ne pyein ne kei ah chah u sä” ci ne pyen na gui ci.

LAMKTU 25:5 Referans Kwoze

LAMKTU 25:25

Ani naw sih nak khin vai ah katnak a bi tumat phi kei naw kä ka hmuk ci nei. Cun ung phi a mät naw ghangpughang ah ka ng’coi ng’paa khai ci sei, nang ghangpughang ah law püi vai ah ka k’bäi ah kyak ci nei.

LAMKTU 25:16

Kei naw, ami chak ah chang tumat cu, chak ci gui ah chang gui awn mik hmai ng’chum sei kä ng’hmu sak ah, ngami ah chak nak ah mawng cu am hlan nak tu ba gui vai ah, a khin kä peit ah, k’sung ne m’kat cu, Roman thung ah kä kyak ci, cine kam thein gui ci.

LAMKTU 24:8

Ani ah katnak pyein ci gui ah chang gui cun phi nang ah ami law vai ah pyein ci nei.) Nang bawi na mät naw na ng’shi ah a kyak ung keimi naw k’sung ne kami k’bün ah katnak gui avan cu na hmat khai nei” cine pyein ci.

LAMKTU 23:30

Judah chang gui naw ani ngawn khai gui ah ami pawngpüi cu hmat netah, acun vai am nang ah ka tüih law ah kyak ci nei. Cun ah chang gui naw phi ami ng’chaak nak ami pyein hlü cu nang ah ma ah ami pyein vai ah ka k’bäi gui nei” ciah om ci.

LAMKTU 18:14

Paul naw m’shang tu ba gui khai ah ang bü yah ung Kallio naw, Judah chang gui am, “Shin ah mawng cu hmakat nak ah baw, hleeihlak nak ah baw akyak vai sü ung, nangmi ah ng’chaak nak cu hnimgei ne ka ning ngaih pe gui khai sü te;

LAMKTU 25:4

Festus naw, “Paul cu Sisaria ah thawng ung chum ne ngäng ci gui. Kei ka mät kä shou pha sei a cu ah ka hteit lawk khai.

LAMKTU 25:6

Festus cu Jerusalem ah hnüüp cheit, kaw, ghaa om ba netah Sisaria ah hteit ci. A ngawi ung thu m’cha nak mang kyang ung ngoh netah Paul cu khü sak gui ci.