LAMKTU 25:23 - Cho Bible Common Language 2016

²³ A ngawi ung Ghangpughang Akrippa la ak chu Bernice cu, ang htei ah ng’hning kyau khai ah ng’pyang tham ne, gaakap bawi gui la gawnu ung ang vaihta gui awn a täng ah, gawnu im ng’ki kyong ah lut law ci. Cun yah ung Festus ah pyein ah Paul cu luh püi ci gui.

LAMKTU 25:23 Referans Kwoze

LAMKTU 26:30

Cun ah kya khä tah, ghangpughang la ak chu Bernice ni, Gawmang ni, ami chang gui ni ami van cu ng’düi law ba ci gui.

LAMKTU 25:13

Cun kawn ah shou hta khä tah Akrippa ghangpughang la ak chu Bernice cu gawmang Festus hmuh ne dou khai goi ah Sisaria ah gawk lawk ci goi.

1 JOHAN 2:16

M’dek khan ng’yak hlü gui ah kyak ciah shetkat nak awn ng’yak hlü nak, mik awn hmu ne yak hlü nak, khähghah läma nak gui cu Pa Khanpughi ung ka lawk ciah kä kyak ci, khomdek khan ungka lawk ciah kyak ci.

1 PETER 1:24

Cacim theing naw, “Hnicim chang avan cu khuktaa ah mäih lawk ci, Ami bämang nak avan cu papai ah mäih lawk ci. Khuktaa cu chawng ne si thei ci, a pai cun phi thuum ne kiawi thei ci.

JAMES 1:11

Hni liing naw aghing cu chawng sak ne, apai cu kiawi sak ci, cun ah kyasei akiom nak cu dimaih ci. Acun ah mäih ah bühmang ciah chang cu, amät ah bi abi yah chung ung dimaih nak om khai nei.

1 KORIN 7:31

M’dek khan khawhchaam ei mang ci gui cu, kä ng’bühbei ci gui ah mäih ah om u sä. A i ah kya sei ci ung tuhbäi shin ah m’dek ah khan cu, kä shou pha sei ng’pyi lawk khai ah a kyak ah hmawk ah kyak ci.

LAMKTU 12:21

A mi k’bäi nak hnüüp ung Herod cu bawi ah mang yih sui ne, ghangpughang ah mangkiang ung ngoh netah, chang gui ah ma ah ng’thu pyein ci.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

EZEKIEL 33:28

Kei naw cun ah khaw cu ka shiu sak khai, ngami naw ami khähghah nak aih ah huham cu ng’pyi khai. Israel khomhtung gui cu m’ghaw aih sei, cun kan ne a u kä hteit ba khai.

EZEKIEL 32:12

Kei naw m’ghämce ciah pakhui ungka gakap gui, ami khimsem kawt ne law sak gui ne nami chang gui avan ka ngawn sak gui khai. Nami chang avan la nang naw na khähghah nak gui nü nü m’di khai gui.

EZEKIEL 30:18

Kei naw Egypt ah huham ka m’shet law ung Tahpanhes ah khan ah kho hmüp nak gawk lawk khai, ngami naw ami khähghah nak aih ah k’thagui cu ng’pyi khai. Egypt cu khongmei naw shung khai, mang gaw avan ung chang gui cu thanwg ung kium khai gui.

EZEKIEL 7:24

Kei naw akshekha pikbäih ah pakhui gui shin ung law püi gui ne, nami im gui ka nin guh sak gui khai. Nami khawihnak nak ah hmun gui cu cun ah pakhui gui am ka m’shet law sak gui ah a kyak ung, k’thamah pikbäih ciah name chang gui cu ami m’lung thüi ne ami k’tha maih khai.

ISAIAH 14:11

Nang cu tingtäng tum ne m’hlüngtai nak na gah man ci, cun ung phi tuhbäi, shin ung sihnak ah khaw ung na om ci nei. Nang cu m’kyitzawp ah ih khan ah ng’zän ne, cakaw ah kyak ciah yih na khuih ci nei!

ISAIAH 5:14

M’gang khlam naw ei ah cani ne ei hlü gui ne, ani naw a shai m’an ne ang ci. A cun naw Jerusalem ah mang gui cu m’lau ng’pyang ciah chang pang gui awn atäng ah m’zaw gui ci.

THUSHÄUTU 1:2

Ak thuuk hmat ci naw pyen ci, Shin cu akholä nei, akholä ne, ghin nak cu akholä nei, avan akholä nei.

ESTA 1:4

Ani ah mang im ah bämang nak la chünla nak avan cu cha chuk lüng lüng ung m’dang ci.

MAKUH 6:21

Herod ah ng’tüi nak hnüüp ung Herodias ah bi bi nak hlü ah lam cu ng’dang lawk ci. Cun ah hnüüp ung Herod naw, Kalile kho ungka bawi ng’vaipi gui, gakap bawi gui, la mangpa gui nüng cu khü gui ne, mü-ei aktung ah pyang m’tham ne khin na gui ci.