LAMKTU 25:13 - Cho Bible Common Language 2016

¹³ Cun kawn ah shou hta khä tah Akrippa ghangpughang la ak chu Bernice cu gawmang Festus hmuh ne dou khai goi ah Sisaria ah gawk lawk ci goi.

LAMKTU 25:13 Referans Kwoze

LAMKTU 26:1

Akrippa naw Paul am, “na mät ah hmawk ah thu na pyein hning ci” ci ne kyak na khä tah; Paul naw a kut k’phyaat ne nüt ne,

LAMKTU 8:40

A kawn ah Philip cu Ayotus gawnu ah gawk ciah hmat lawk ci. Cun kawn ah Sisaria ah hteit ba neh, a hteh nak ba ah lam apigaw päng ung Bawipa Jesuh ah mawng ng’Thu k’Ni cu hei pyein vük ci.

2 SAMUEL 8:10

Cun ah kyasei ani naw a hta Joram cu Ghangpughang David yavaih khai ah tüi law ne, Hadadezer ah khan ah ang näng ah phäh ah yeikyai nak pyen lawk ci. Hadadezer cu Toi awn akda vei ng’tu man ci goi ah kyak ci. Joram naw David am ghui ni, ngui ni, kyei ni awn pyan ah m’cümhnah gui pe lawk ci.

1 SAMUEL 25:14

Nabala ah changshäm tumat naw Nabala ah chu Abigail am, “Nang na ng’yak ci ang? David naw bungpuk ah ka naw chang tüi law ne mi bawi cu yavaih law nak ci, cun ung phi ani naw k’she na gui ci.

1 SAMUEL 13:10

acun a pyi hta ng’lung vai am, Samuel cu gawk lawk ci. Saul naw hteit ne va hmu ne ana dou ci.

MAKUH 15:18

“Jew Chang gui ah ghangpughang ghi ne ghing sä” cine ngüm täu ne päipih ci gui.

2 GHANGPUGHANG GUI 10:13

Judah ghangpughang Ahaziah ah mätyah gui cu hmu gui neta, “Nangmi a u gui ang?” cine ng’shi gui ci. Ngami naw, “Ahaziah ah na mätyah gui nei, keimi cu ghangpughangnu Jezebela ah a hta gui la mang imkyong ung om ba ci gui am chang m’sui nak kami pek khai ah kami lawk ci nei” cik ci gui.

LAMKTU 25:1

Festus cu cun ah kho ah a gawk law nak hnüüp thum lüng khätah, Sisaria ah kaa Jerusalem ah hteit ci.

LAMKTU 25:4

Festus naw, “Paul cu Sisaria ah thawng ung chum ne ngäng ci gui. Kei ka mät kä shou pha sei a cu ah ka hteit lawk khai.

LAMKTU 25:12

Festus cu ak chang vai gui awn ng’ge ba u netah, “Nang cu ghangpughang ah na ng’paa ci kyasei, ghangpughang ah na hteit khai” cine pyen nak ci.