LAMKTU 25:12 - Cho Bible Common Language 2016

¹² Festus cu ak chang vai gui awn ng’ge ba u netah, “Nang cu ghangpughang ah na ng’paa ci kyasei, ghangpughang ah na hteit khai” cine pyen nak ci.

LAMKTU 25:12 Referans Kwoze

PHILIPPIAN 1:20

Kei naw ak tung ah ka ng’yak hlü la ka ngaih u nak cu, kei naw a i yah ung phi ka bi mawng cu kä ka nawng khai, a i khin ung phi, a tuhbäi chü phi, kei cu khüighaat nak awn be ne, ka sih ung phi, ka ghin ung phi, ka ghin nak avan awn Bawi Khrit kam taamkhah khai, ciah kyak ci.

LAMKTU 19:21

Cun gui a kyak kawn ah Paul cu Macedonia la Achaia kho ung kaa naw Jerusalem ah hteit khai ah k’bäi ci. Ani naw, “Cu ah ka hteh kawn ah Rom ah phi ka hteit khai” cine pyein ci.

LAMKTU 28:16

Romah kami gawk awn ah Paul cu, amät bäng, gaakap tumat naw angäng tu hnga vai ah a khin gah ci.

LAMKTU 26:32

Akrippa naw Festus am, “Shin ah chang cu ghangpughang ah ng’paa nak kä a bi vai sü ung k’phiawn hning te nei” cine pyein ci.

LAMKTU 25:21

Cun ung phi Paul naw nang ghangpughang ah m’khoichaa bäbä ng’ya hlük ciah pyein ci. Ani na thawng ung om lä netah ghangpughang ah thu m’chaa bä ng’ya hlük ciah pyein sei, ani cu nang ghangpughang ah ap law nak ah a khin ung khüt khai ah ami chum vai ah ka pyein nei” cine m’thein tuk ci.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

NG’ÄI KYAH 3:37

Bawipa ah ang yak hlü cu angtäi sei kawh chan nei.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

MATTHE 22:17

Cun ah kyasei nang naw a i ah na ngaih cu nam thein gui ä, ‘Ghangpughang-am a khon look ne peit vai ang, kä peit vai ang?” cine ng’shik ci gui.

LAMKTU 25:11

Ak cangah thukhän khep ne, sih nak vai khin ciah katnak ka bi ah a kyak ung, nami nam gein vai ah kä ka ng’yoi khai nei. Cun ung phi ngami ah nak sung nak cu kä akcang ah a kyak läi ung a u naw phi kei cu ngah mi ah kut ung kä na ap hlawt khai nei. Kei cu ghangpughang ah ka ng’coipaa ci nei” cine pyein ci.

LAMKTU 25:13

Cun kawn ah shou hta khä tah Akrippa ghangpughang la ak chu Bernice cu gawmang Festus hmuh ne dou khai goi ah Sisaria ah gawk lawk ci goi.

LAMKTU 27:1

Keimi cu Itali kho ah na hteh püi gui khai gui ah k’bäi u netah, Paul la thawng kium gui ami van cu, Festus naw “Ghangpughang ah shekshen” a mi ciah Roman shekshen ung gaakap bawi Julius ah kut ung ap gui ci.