LAMKTU 25:10 - Cho Bible Common Language 2016

¹⁰ Paul naw, “Kei cu m’khoichaa vai ah ghangpughang ah mang kiang ung ka ng’düi pyi ci. Nang naw na hmat pyi ah mäih ah Judah chang gui ah khan ah kei naw ka katnak i kä om ci.

LAMKTU 25:10 Referans Kwoze

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

LAMKTU 28:18

Ngami naw kei cu na cet u ne, kei ah bi nak ung sih nak khin vai ah mawng a i kä hmu u netah na phiawn hlük ci gui.

LAMKTU 26:31

Cun ah ng’düi law ne ami hteh ba kawn ah, “shin ah chang cu sih nak kä cun ung thawng kyum nak khin vai ah katnak abi kä om ci” cine ami mät ng’htau ci gui.

LAMKTU 25:25

Ani naw sih nak khin vai ah katnak a bi tumat phi kei naw kä ka hmuk ci nei. Cun ung phi a mät naw ghangpughang ah ka ng’coi ng’paa khai ci sei, nang ghangpughang ah law püi vai ah ka k’bäi ah kyak ci nei.

MATTHE 27:18

Jew chang ng’vai gui naw ami thüi nak su ah, Bawipa Jesuh cu a kut ung ami ap ah ani naw hmat ci.

LAMKTU 25:17

Cun ung phi ngah mi cu a shi ah gawk law u sei, kei naw ak yä ah a ngawi ung ge, yung ah ngoh ne, cun ah chang cu ka khü sak gui ci.

LAMKTU 25:6

Festus cu Jerusalem ah hnüüp cheit, kaw, ghaa om ba netah Sisaria ah hteit ci. A ngawi ung thu m’cha nak mang kyang ung ngoh netah Paul cu khü sak gui ci.

LAMKTU 23:29

Ani ung sih nak vai katnak la thawng cun nak vai ah kat nak, a pi phi a om kei naw kä ka hmuk ci. Judah chang gui naw ani cu ami mät ah thukhän nawn m’kat ne ami k’sung ah kya ci.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.